நம்ப    -       விருப்பத்துக்குரியவனே!      அக்குளிர் 
மலர்ப்பேராசனத்தவனொடு - அந்தக் குளிர்ந்த தாமரை மலரை
ஆசனமாக உடைய பிரமனோடு;எவ்வுலகமும் தருவென்- எல்லா
உலகங்களையும் படைப்பேன்;என்று அமையலுற்றான் கோசிதப்
பெயருடைக் குலமுனித்தலைவன் -  என்று தொடங்கியவனாய
கோசிகன் என்ற பெயருடைய முனிவர் தலைவன் விசுவாமித்திரன்;
ஈசனின் பெறு படைக்கலம்- சிவபிரானிடம் பெற்ற ஆயுதங்கள்;
இமைப்பளவில் - கண்ணிமைக்கும்   நேரத்தில்;   எவ்வுலகில்
யாவும் - எவ்வுலகிலும் வாழும் எல்லாவற்றையும்; நாசம் உற்றிட
நடப்பன - நாசம் செய்யும்படி   செல்வனவும்;  கொடுத்தன -
கொடுத்தனவும்       ஆகியவற்றை;       பிடித்துடையர் -
கைக்கொண்டுள்ளனர்.
  

பிரமதேவன்   போலவே   எல்லா   உலகங்களையும் எனது
தவபலத்தால்  இப்போதே   படைப்பேன்'   எனத்  தொடங்கிய
ஆற்றலுள்ளவர்  விசுவாமித்திரர்.   நம்பன் - விரும்பத்தக்கவன்.
கோசிகன் -விசுவாமித்திரனின் மற்றொரு பெயர்.  விசுவாமித்திரர்
திரிசங்கு  மன்னனுக்காக எல்லா  உலகங்களையும்   படைக்கத்
தொடங்கியது.  இராம  இலக்குவர்களுக்கு ஆயுதம் வழங்கியது
ஆகிய செய்திகள் பாலகாண்டத்துள் கூறப்பட்டுள்ளன.
  

(86)
 

எறுழ் வலிப் பொருவில் தோள் - மிகுந்த வலிமை உடைய
நிரற்ற   தோளாற்றலும் உள்ள;  அவுணரோடு  - அசுரர்களுடன்;
அமரர் பண்டு இகல் செய்காலத்து - முன்பு  தேவர்கள் போர்
செய்த காலத்திலே;  உறுதிறல்  கலுழன் மேல் - மிக்க வலிமை
உடைய   கருடன்   மேல்   அமர்ந்து;  ஒருவன் நின்று அமர்
செய்தானுடைய   வில்லும் - ஒருவனாக எதிர்த்து நின்று போர்
செய்த திருமாலின்