செயல்களைக்   கூறுவதால்   முற்றுருவகம்   ஆகும்.  ஆவம் -
அம்பறாத்தூணி.   இதனை அரிய புற்று என்றார், பதம் -  உணவு
பாவகாரியர்-பாவம் செய்பவர்கள் (தீயவர்). வெயில்-ஒளி அம்பைப்
பாம்பாக உருவகம் செய்ததற்கேற்ப நாக்கும், பல்லும் கூறப்பட்டன.
உலகை நக்கிடுவ-உலகத்தையே நாவினால் நக்கிக் கொல்லவல்லன.
 

வில்லும் -  அவர்கள் கைக்கொண்ட விற்களும்;  தாருவோ
வேணுவோ- மரமோ, மூங்கிலோ (அல்ல);தாணுவாய் உலகினைத்
தழுவி நிற்கும்  -  தூணாக   உலகத்தையே  தாங்கி  நிற்கின்ற;
மேருவோ    மால்வரைக்   குலமெலாம்   அல்லவோ  -
மேருமலையோ     அல்ல     பெரிய     மலைகளையெல்லாம்
சேர்த்தமைத்தன   அல்லவோ?  இவ்அவர்களால்  அல்லது -
இந்த வீரர்களான இராம.  இலக்குவர்களை அல்லது; ஒருவரால்
பேருமோ -  வேறு ஒருவரால் அசைக்க   இயலுமோ? நாரும்
மூரியும் அறா - நாணும் வலிமையும் நீங்காதன;பெரிய வேனும்
- (நமது விற்கள்)  உருவத்தில்  பெரியனவாயினும்;  நம்முடைச்
சிலைகள் போல் நலிவ ஆமோ -  நம்முடைய   விற்களைப்
போல (அவை) நலிவன ஆமோ? 
 

'வில்' உகரச் சாரியை பெற்று 'வில்லு" என வந்தது.
 

(89)