நீர் கடையும் வாலியது மார்பு - (இராமன் ஏவிய அம்பால்)
பாற்கடலை  ஒருவனாகவே   கடைந்த  வாலியின் மார்பு;  உரம்
ஒடுங்கியது - வலிமை ஒடுங்கிப் போயிற்று;உலகை மூடும் மரம்
ஒடுங்கிய -   உலகை  மூடுமளவுக்கு ஓங்கி வளர்ந்தமராமரங்கள்
ஒடுங்கின;   கராதியர் விராதனது - கரன் முதலியோருடையவும்
விராதனுடையதுமான; மால் வரைகள் மானும் சிரம் ஒருங்கின-
பெரிய   மலைகளை   ஒத்ததலைகள்  ஒடுங்கின;  இனிச் செரு
ஒடுங்கின - இனி அசுரர் போர் செய்வது ஒடுங்கின;இனி தேவர்
என்பார் -   இனி, தேவர்கள் என்போரிடம்;பரம் ஒருங்குவது
அலால் - நமது சுமை ஒடுங்குவதல்லாது;பிறிது ஒருங்காததோர்
பகையும்  உண்டோ   -   வேறு   அவர்களுக்கு  ஒடுங்காத
பகைவர்களும் உண்டோ?
 

நீர் - இங்கே  பாற்கடலைக்   குறிக்கும்.  கராதியர் -கரன்
முதலானோர். மானும்-ஒக்கும். பரம்-சுமை. அலால் - அல்லால்
என்பதன் இடைக்குறை. ஒருங்குதல்-ஒடுங்குதல், அழிதல் என்ற
பொருள் தந்து நின்றது.
 

சொல்வரம் பெரிய - எவரும் வியந்து கூறும் வரபலம் மிக்க;
மாமுனிவர்   என்பவர்கள் -   சிறந்த முனிவர்கள்   என்போர்;
தம் துணையிலாதார் - தமக்கு வரும் துன்பங்களைப்   போக்கும்
துணைவர் இல்லாதவராய்;  எல்   வரம்  பெரியதோர் - சிறந்த
வரபலம் பெற்ற பெரிய தோள்களையுடைய;இருவரே - இராமனும்
இலக்குவனுமாகிய இருவர் மட்டுமே;தமரொடும் உலகம் யாவும்
வெல்வர் -  தமரோடு   உலகனைத்தும்  வெல்ல வல்லவராவர்;
என்பது   தெரிந்து  -  என்பதைத்  தெரிந்து   கொண்டதால்;
எண்ணினார் - நினைத்துப் பார்த்தவர்கள்; நிருதர் வேர் முதலும்
வீயக் கொல்வர் - அரக்கர்கள் அடியோடு அழிந்து