முனிவர்களும்;  பிறரும்  -   மற்றுமுள்ளவர்களும்   (கின்னரர்
முதலானோர்);  அஞ்சார் - அச்சமில்லாதவர்களாக;  வந்து தம்
உலகமும்     வானமும்    கண்டு    -    வந்து,   தங்கள்
விண்ணுலகத்தையும்  வானத்தையும்   பார்த்து   விட்டு; உவந்து
அகல்வர் - மகிழ்ந்து செல்வதாயினர்.
 

சிந்து-கடல். முந்துதல்-பொங்குதல். இந்து-சந்திரன். அந்தகன்-
எமன். பிறர் கின்னரர் முதலானோர்.
 

சொலத்தகாத்துன்னிமித்தங்கள்  -   சொல்லி   முடியாத
எத்தனையோ கெட்ட சகுனங்கள்;எங்கணும் வரத் தொடர்வ -
எங்கும் தொடர்ந்து காணப்படுகின்றன;ஒன்னார் வெலத்தகா -
பகைவர்களால்  வெல்ல முடியாதவையான; விடாத குலத்தகால்
வயநெடுங்குதிரையும் -  நீங்காத சிறந்த குலப்பிறப்பை உடைய
வலி   சிறந்த  நமது  குதிரைகளும்; அதிர் குரல் குன்றும் - 
பகைவர்   அஞ்சும்படி  பிளிறும்  குரல் வாய்ந்த மலை போன்ற
நமது   யானைகளும்; அமரரும்   அவுணரும் - தேவர்களும்
அரக்கர்களும்;செருவில்  விட்டன -  செய்த போரில் பங்கு
கொண்ட அவை;நம்மனையிடை  -   நமது  இல்லங்களிலே;
வலத்தகால் முந்துறத் தந்து புகும் - வலது காலை முன்னே
வைத்துப் புகுகின்றன.
 

குலம்-நல்ல குடிப்பிறப்பு.  வயம்-வலிமை.  சொலத்தகா -
வெலத்தகா   என்பன சொல்லத்தகா, வெல்லத்தகா என்பதன்
தொகுத்தல்   விகாரம். யானையும்,  குதிரையும் வலக் காலை
முன்னே  தூக்கி   வைத்து வீட்டுக்குள் புகுவது துர்நிமித்தம்
என்பது   உலக  வழக்காகும்.   அடுத்தபாடல்களிலும்  பல
துன்னிமித்தங்கள் கூறப்படுகின்றன.
 

(95)