முதலினோர் - கிட்கிந்தை மன்னனான வாலி முதலானவர்களும்;
முடிவு  கண்டால்  -   இராம  லக்குவரால்  இறந்தழிந்தார்கள்
என்பதை அறிந்தால்;அந்த மான் இடவனோடு - மான் போன்ற
உமையவளை     இடப்புறத்தில்     கொண்ட     சிவபிரானும்;
ஆழிமாவலவனும் -   சக்கரப் படையை உடைய வல்லவரான
திருமாலும்;  இந்த   மானிடவராம்  -  இந்த மனிதர்களாகிய;
இருவரோடு -   இராமன்,   இலக்குவன் என்ற இருவருடனே;
எண்ணலாம் ஒருவர் யாரே- நிகராக எண்ணத் தகுந்த ஒருவர்
யார் இருக்கிறார்கள்?
 

நாகர்-தேவர்கள். சிந்த-சிதறியோட. செரு-போர். முருக்கிய-
வலிமையை   அழித்த மான்.   இடவன்-மானை  இடக்கரத்தில்
ஏந்திய சிவன் எனவும் கொள்ள இடமுண்டு.
 

எம்பிரான்! -  எமது தலைவனே!இன்னம்  ஒன்று உரை
செய்தால் -  இன்னும் ஒன்று கூறுவதானால்;இனிது  கேள் -
அதனை  இனிதே   கேட்பாயாக;     இருவராய   அன்னவர்
தம்மொடும் - இருவரான  ராம, இலக்குவர்களோடும்; மன்னும்
நம்  பகைஞர்  ஆம்  வானுளோர்  -   நிலைபெற்ற  நமது
பகைவர்களாகிய விண்ணுளோர்; வானரத் தலைவராய் அணுகி
நின்றார் -   வானரத்  தலைவர்களாக  நெருங்கி   நின்றனர்;
அவரொடு     மாறுகோடல்  -   அவர்களோடு   மாறுபாடு
கொள்ளுதல்;  கன்மம்  அன்று -   காரியம்   ஆகாது;  இது
நமக்கு உறுதி  என்று  உணர்தலும்   கருமம்   அன்று -
இவ்வாறு  பகைத்துக்   கொள்ளுதல்  உறுதி   என உணர்வதும்
செய்யத் தக்கதல்ல.
 

தேவர்களே    வானரர்களாக   வந்தனர்   என   முன்னர்
குறிக்கப்பட்டுள்ளது. (199) மாறுகோடல்-பகைத்துக் கொள்ளுதல்.
 

(98)