:: TVU ::

யுத்த காண்டம்

அச்சத்தாலோ? அவர்க்கு அன்பினோ - அவர்களிடம் நீ கொண்ட அன்பு காரணமாகவா? யாவதோ - அல்லது வேறேதேனும் காரணம் கருதியோ?
பிச்சர்-பித்தர். விறல்-வலிமை, கொச்சை - இழிவு (அற்பம்) "தெள்ளிய பொருள் இயம்பலாற்றுவன்" என வீடணன் முன் கூறியதை நினைத்து 'உறுதிகள் இசைக்குவன் என்றாய்" என்றான் என்க. 'உறுதிகள் சொல்வதாகத் தொடங்கி பித்தர் போல் பிதற்றுகிறாயே' என வீடணன் கூறியதை எள்ளுகிறான்.
(101)
6172.	' "ஈங்கு மானுடப் பசுக்களுக்கு, இலை வரம்"
	என்றாய்;
	தீங்கு சொல்லினை; திசைகளை உலகொடும்
	செருக்கால்
	தாங்கும் யானையைத் தள்ளி, அத் தழல்
	நிறத்தவனை
	ஓங்கல் ஒன்றொடும் எடுக்கவும் வரம் கொண்டது
	உண்டோ?

ஈங்கு மானுடப்பசுக்களுக்கு - இங்கே மனிதர்களாகிய இந்தப் பசுக்களைக் கொல்ல; இலைவரம் என்றாய் - நான் (பிரமனிடம்) வரம் பெறவில்லை என்று கூறினாய்; தீங்கு சொல்லினை - இதனால் பழுதானதையே கூறினாய்; திசைகளை உலகொடும் செருக்கால் தாங்கும் - எல்லாத் திசைகளையும் உலகத்தோடு தமது வலிமையால் தாங்கும்;யானையைத் தள்ளி - திக்கு யானைகளை வென்று விலக்கிட;அத்தழல் நிறத்தவனை - அந்தத் தீ நிறத்தவனான சிவபிரானை; ஓங்கல் ஒன்றொடும் - அவனிருக்கும் கைலை மலையோடும்;எடுக்கவும் வரம் கொண்டதுண்டோ? - பேர்த்து எடுப்பதற்கு வரம் கேட்டுப் பெற்றதுண்டோ?
'மனிதர்பால் கொற்றம் கொள்ளலை' (6148) என்று வீடணன் கூறியதை எண்ணி, 'இலைவரம்' என்றாய் என்றான்.
(102)
6173.	'மனக்கொடு அன்றியும், வறியன வழங்கினை;
	வானோர்
	சினக் கொடும் படை செருக்களத்து என்னை என்
	செய்த?