ஊழியும்   கடந்து   உயர்கின்ற   ஆயுளான்  - உலக
முடிவுக்காலமான  ஊழிக்காலத்தையும்   கடந்து நீண்ட ஆயுளை
உடையவனும்; உலகம் ஏழும் ஏழும்- பதினான்கு உலகங்களும்;
வந்து அடிதொழ-  திரண்டு வந்து தனது பாதங்களில் வீழ்ந்து
வணங்குமாறு; அரசு வீற்றிருந்தான் - எல்லா உலகங்களுக்கும்
தானே  மன்னனாக  ஆட்சி  செலுத்துபவனுமான   இரணியன்;
வாழியான் அவன்   தனைக்  கண்டு -   நல்வாழ்வுக்குரிய
நற்பேறு  பெற்ற பிரகலாதனைப்  பார்த்து;  மனம்   மகிழ்ந்து
உருகி - மனம் மிக மகிழ்ந்து  உள்ளம்  உருகி;  ஆழிஐய நீ
அறிதியால் மறை - எனக்குப் பின்  எனது   ஆணையாகிய
சக்கரத்தை இயக்கும் நீ எல்லா  வேதங்களையும்  கற்பாயாக;
என அறைந்தான் - என்று கூறினான்;
 

ஆழி -   ஆணையாகிய   சக்கரம். தனக்குப் பின் அரசாள
இருப்பவன் என்பதால் இரணியன் 'ஆழி ஐய' என அழைத்தான்
என்க.   மனம்   மகிழ்ந்து  உருகி - நெஞ்சு நெகிழ்ந்து உருகி
தந்தைக்கு உரிய இயல்பான அன்பின் நெகிழ்ச்சி இரணியனுக்கும்
இருந்தது  என்பதைக்  கவிச்சக்கரவர்த்தி  இப்பாடலில் குறித்து
இருக்கிறார்.
 

(20)
 

என்று, ஓர் அந்தணன் - என்று கூறிய இரணியன் ஒரு மறை
வல்லோனான;எல்லை இல் அறிஞனை ஏவி - எல்லையில்லாத
அறிவுடையவனை ஏவி; 'நன்று நீ இவற்கு உதவுதி மறை' - நீ
இவனுக்கு வேதங்களை நன்கு கற்றுக் கொடுத்து உதவுவாயாக;