:: TVU ::

யுத்த காண்டம்

அறியமாட்டேன்; ஓத வேண்டுவதில்லை - நான் கற்றுக் கொள்ள வேண்டியதும் (அப்பரமன் பெயரல்லாது) வேறில்லை; என் உணர்வினுக்கு - எனது அறிவுக்கு; ஒன்றும் போதியாததும் இல்லை - ஒன்றும் உணர்த்தப் படாத பொருள் இல்லை;என்று இவை இவை புகன்றான் - என்று மேலும் சில கூறுவானானான்.
(27)
6216.	' "தொல்லை நான்மறை வரன்முறைத் துணி
	பொருட்கு எல்லாம்
	எல்லை கண்டவன் அகம் புகுந்து, இடம் கொண்டது,
	என் உள்;
	இல்லை, வேறு இனிப் பெரும் பதம்; யான் அறியாத,
	வல்லையேல், இனி, ஓதுவி, நீதியின் வழாத.

தொல்லை நான் மறை - பழமையான நான்கு வேதங்களும்; வரன் முறைத் துணி பொருட்கு எல்லாம் - மரபு பிறழாது துணிந்து கூறிய பொருள்களுக்கெல்லாம்; எல்லை கண்டவன் - முடிவான எல்லை கண்டவனாகியபரனே; என் அகம் புகுந்து இடம் கொண்டது - எனது உள்ளத்திலே புகுந்து விரும்பி உறைவது;என் உள் - எனக்குள்ளாகும்;வேறு இனிப் பெரும்பதம் இல்லை - இதைவிட வேறு சிறந்தபதம் எதுவுமில்லை; யான் அறியாதவல்லையேல் - நான் அறியாதவை ஏதேனும் நீ வல்லவனானால்;நீதியின் வழாத இனி ஓதுவி- நீதி நெறி பிறழாத ஒன்றை இனி எனக்குக் கற்றுக் கொடுப்பாயாக.
வரன்முறை - மரபுநெறி. துணி பொருள் - அறுதியிட்டு துணிந்துரைத்த பொருள். எல்லைகண்டவன். முடிவிடமாக அமைந்தவன். இடம் கொண்டது. விரும்பி வாழ்வது. அகம் - மனம். என் உள் - எனக்குள். பதம். நிலை (பதவி); பெயருமாம். நீதியின் வழாத - அறத்துக்கு மாறுபடாத. ஓதுவி-கற்பிப்பாயாக. வல்லையேல். வல்லவனாயின் என்றதால் அத்தகையவல்லமை உனக்கு இல்லை என்பது குறித்து நின்றது.
(28)
6217.	' "ஆரைச் சொல்லுவது, அந்தணர் அரு மறை
	அறிந்தோர்,
	ஓரச் சொல்லுவது எப் பொருள், உபநிடதங்கள்,
	தீரச் சொல் பொருள் தேவரும் முனிவரும் செப்பும்
	பேரைச் சொல்லுவது அல்லது, பிறிதும் ஒன்று
	உளதோ?