நடக்கட்டும்;   அன்று   எனின்   அறிகுவம்- இவன் கூறும்
சொல்நமக்கு நன்மை தராதது என்றாலும்   அதை   அறிவோம்;
என்றே - என்றெண்ணியவனாக;யாவது அவ்வுரை இயம்புதி
இயம்புதி என்றான் - நீ சொல்லும் அந்தப் பெயர் எது கூறுக
கூறுக என்றான்.
 

'இயம்புதி இயம்புதி' விரைவு பற்றி வந்த அடுக்கு. தேவர்
செய்கையன் - அரக்கர் குலத்தினன் ஆயினும் தேவர்களைப்
போன்ற நடத்தை உடையவன்   என்பது   கருத்து; நீதியால்
வந்ததொரு நெடுந்தரும் நெறியல்லால்  சாதியால்  வந்த சிறு
நெறியறியான்' என வீடணனைப் பற்றி உரைப்பது   நினைவு
கூரத்தக்கது.(7625)
 

ஆசிரியன்  சரியாகத்தான் சொல்லியிருக்கிறான் என்று
இரணியன் கருதியதை 'தக்கதே உரைசெயத்தக்கான்" என்ற
தொடர் உணர்த்துகிறது.
 

காமம் யாவையும் தருவதும் - நாம் விரும்பும் நற்பேறுகள்
எல்லாவற்றையும்    தரவல்லதும்;   அப்பதம்   கடந்தால் -
(விரும்பும் நிலையான) அப்பதவிகளைக் கடந்தபின்பு ; சேமவீடு
உறச் செய்வதும் - என்றும் அழியாத நிலைத்த தன்மையுடைய
பாதுகாப்புதவும் வீட்டின்பத்தைத் தருவதும்; செந்தழல் முகந்த
-   செம்மையான   தீயால்   முகந்து    கொள்ளப்படும்;ஓம
வேள்வியின் உறுபதம் - யாகத்தினால்  அடையும்   துறக்கம்
முதலிய பதவிகளிலே;உய்ப்பதும் - நம்மைச் செலுத்துவதும்;
ஒருவன் நாமம் - ஒப்பற்ற ஒருவனாகிய பரமனது திருநாமமே;
அன்னது கேள் நமோ நாராயணாய- அதனைக் கேட்பாயாக
ஓம்நமோ நாராயணாய நம என்பது அது.
 

காமம் - விரும்பும்   நற்பேறுகள்.   சேமம் - பாதுகாப்பு.
சேமவீடு - பரமபதம். "நடந்த நம்பி நாமம் சொல்லில்  நமோ
நாராயணமே"   எனவெல்லாம்   அருளிச்  செயல் கூறுவதை
நினைவு  கூர்வோமாக.  இம்மை,   மறுமை   இன்பங்களைத்
தரவல்லது இத்திரு மந்திரமே என்பது கருத்து.
 

(42)