:: TVU ::

114

யுத்த காண்டம்

தலைவர்கள் அல்லர் என்பான்' செய்த மாதவம் உடைமையின் அரி அயன் சிவன் என்றெய்தினார்" என்றான் என்பதும் ஒரு பொருளாகும்.
(54)
6243.	' "வேள்வி ஆதிய புண்ணியம் தவத்தொடும் விலக்கி,
	கேள்வி யாவையும் தவிர்த்தனென், 'இவை கிளர்
	பகையைத்
	தாழ்வியாதன செய்யும்' என்று; அனையவர்தம்பால்
	வாழ்வு யாது ? அயல் எவ் வழிப் புறங்கொண்டு
	வாழ்வார் ?

வேள்வி ஆதிய- புனிதமான வேள்விகள் முதலானவையும்; புண்ணியத்தவத்தொடும் விலக்கி - புண்ணியச் செயலானதவம் புரிதலையும் பிறர் செய்யாதபடி விலக்கி; கேள்வியாவையும் தவிர்த்தனென் - நல்ல நூற் கேள்வி முதலியவற்றையும் நிகழாதபடி நான் தவிர்த்து விட்டேன்; இவை கிளர் பகையை - வேள்வி முதலான இவையெல்லாம் பொங்கி எழும் பகையை; தாழ்வியாதன செய்யும்- தாழ்ந்து பணியாதவாறு செய்யும்; என்று - என்பதால் (எவரும் தவம் முதலியன செய்யாது தவிர்த்தேன்); அனையவர் தம்பால் வாழ்வுயாது- அயன் முதலானோர்க்கு (எனது ஆட்சியில்) அமைந்த நல்வாழ்வு யாது?; அயல் எவ்வழி - வேறு எந்த விதத்திலே (அவர்கள் எனக்கு மாறாக); புறங் கொண்டுவாழ்வார்- புறத்தே துணை பெற்று வாழ்வர்?
வேள்வி ஆகிய - வேள்வி முதலானவை. தவிர்த்தனென் - விலக்கினேன். புறம் கொண்டு - புறத்தே துணையைப் பெற்று. அயல் - வேறாக. கேள்வி: வேதம் முதலியவைகளைக் கேட்டல்.
(55)
6244.	' "பேதைப் பிள்ளை நீ; பிழைத்தது பொறுத்தனென்;
	பெயர்த்தும்.
	'ஏது இல் வார்த்தைகள் இனையன விளம்பலை;
	முனிவன்
	யாது சொல்லினன், அவை அவை இதம் என
	எண்ணி,
	ஓதி; போதி' என்று உரைத்தனன்-உலகு எலாம்
	உயர்ந்தோன்.