இட்டவை - உயிர்கள் செய்து வைத்தனவாகும்;   (அவற்றுள்)   ஒரு
வினை ஒரு பயன் அன்றி- ஒரு வினை ஒரு பயனைத் தருவதல்லது;
உய்க்குமோ- வேறு பயன்களைத் தரவல்லவையோ; கருதின கருதின
காட்டுகின்றது- அடியார்கள்   விரும்பிய  விரும்பிய   பலன்களைத்
தரவல்லது;   தருபரன்   அருள்-  எல்லாம்   தரவல்ல   இறைவன்
திருவருளே; இனிச் சான்று வேண்டுமோ  -   இனி இதற்கு   வேறு
சாட்சியும் வேண்டுமோ ?
 

'வேள்வியும் தவமுமாகிய நல்வினை இயற்றி உலக   முதல்வனாக
இருக்கிறேன்' என்று கூறிய இரணியனுக்கு,  செய்யும்   நல்வினையோ
தீவினையோ தாமே   பயன்தரவல்லன அல்ல. அவை  உயிரற்ற சடப்
பொருள்தானே எவ்வாறு பலன் தரும்; அடியார்   கருதிய அத்தனைப்
பயன்களையும் தரவல்லது இறைவன் திருவருளே என்றுணர்க என்றான்
பிரகலாதன். உய்க்குமோ - செலுத்துமோ 
 

வேள்வி ஓம்புவார் கடைமுறை- வேத வேள்விகளைச் செய்து
முடிப்பவர்கள்   வேள்வியின்   முடிவில்;   ஒரு ஆவுதி  -   ஓர்
அவியுணவினை;   அராஅணை     -   பாம்பணையில்  அறிதுயில்
அமர்ந்திருக்கும்; அமலனுக்கு   அளிப்பரேல்  - திருமாலுக்குப்
படைப்பாராயின்; அது சராசரம் அனைத்திலும் சாரும்-  அந்த
அவியுணவு உலகில் உள்ள சரம், அசரம் ஆகிய  எல்லாவற்றையும்
அடையும்;  என்பது பராவ அரும்மறைப் பொருள் -   என்பது
பரவுதற்கு   அரிய பெருமைமிக்க 'வேதங்கள் கூறும் பொருளாகும்;
பயனும் அன்னதால்- அவியுணவே அல்லாது அந்த வேள்வியின்
பயனும் அத்தன்மைத்தே யாகும்.
  

அமலன் - குற்றமற்றவன் "வேதமும் வேள்வியும் விண்ணும் 
இரு சுடரும் ஆதியும்   ஆனான்"   என்ற   பெரியதிருமொழி
(நாலாயிர.1786) ஒப்பு நோக்கத்தக்கது.
 

(68)