அளக்கரைக்  கடந்து -   அந்தக்   கடலைக்  கடந்து
வடகரையை அடைந்து; மேல் அறிந்து - மேலே நடந்ததனை
அறிந்து (முன்பு நடந்தது); நம்பியும்- இளவலாகிய வீடணனும்;
விளக்கொளிபரத்தலின்- கடற்கரை முழுதும் விளக்குகளின்
ஒளிபரந்திருப்பதால்; பாலின்  வெண்  கடல்-   வெண்மை
நிறமான பாற்கடல் மீது; வளத்தடந்தாமரை- அழகிய அகன்ற
செந்தாமரை  மலர்கள்;  மலர்ந்தாம்  என -  மலர்ந்துள்ளது
போல    (காட்சிதந்த);      களப்பெரும்    தானையை -
போர்க்களத்துக்குச்  செல்லும்   அந்தப்   பெரிய   வானரப்
படையை; கண்ணின் நோக்கினான் - கண்களால் பார்த்தான்.
 

அளக்கர் - கடல். வளம் - அழகு. கடலைக் கடந்து, வட
கரையை  அடைந்த  வீடணன்  முன்பு  நடந்ததை  அறிந்து.
பாற்கடலிலே  தாமரை மலர்ந்தது  போல,  வெண்மை  நிறம்
உடைய   வானரப்   படை    தங்கியுள்ள   அவ்விடத்திலே
விளக்கொளிபரவியிருத்தலைத்  தனது கண்களால்  பார்த்தான்
என்பது கருத்து.
 

ஊன் உடை உடம்பின-   (இவ்வுலகெங்கும்  வாழும்)
ஊன்  மிக உடைய    உடம்பினை    உடைய;  உயிர்கள்
யாவையும் -  உயிரினங்கள்   எல்லாவற்றையும்;  ஏனைய
ஒருதலை நிறுத்தி -  மற்றொரு  பக்கம்  நிற்கச்   செய்து;
எண்ணினால் -  எண்ணுவோமானால்;  வானரம்  பெரிது
என- வானரப் படையே அளவில் பெரியதாயிருக்கும் என்று;
மறு இல் சிந்தை  யான்-  குற்றமற்ற மனமுடையவனாகிய
வீடணன்; தூநிறச் சுடு படை- புலால்மணம்  வீசு  கொடிய
படைக்கலங்களை     உடையவர்களான;      துணைவர்ச்
சொல்லினான்- தனது அமைச்சர்களுக்குக் கூறினான்.
 

தூ - தசை (புலால்) நிறம் - (இங்கு) மணம்.
  

(16)