'ஊடலில் தோற்றவர் வென்றார்  அது  மன்னும்,  கூடலில்
காணப்படும்' என்னும் குறள் (1327) ஒப்பிடத்தக்கது.
 

இத்திறம்  எய்திய   காலை-   இராமன் இத்தன்மையை
அடைந்த  போது;  எய்துறும்  வித்தகர் -   அங்கு   வந்த
சுக்கிரீவன், அனுமன் முதலிய அறிவு  மேம்பட்ட  வித்தகர்கள்;
சொற்களால்-  கூறிய   ஆறுதல்   மொழிகளால்;  மெலிவு
நீங்கினான்  ஒத்தனன்  இராமனும் - இராமபிரான்  மெலிவு
நீங்கப்பெற்றவனை  ஒத்தவனாயினான்;  உணர்வு  தோன்றிய
பித்தரின் - சிறிது நல்லுணர்வு தோன்றிய பித்தர்களைப் போல;
ஒருவகை  பெயர்ந்து  போயினான் -   அங்கிருந்து  நீங்கி
ஒருவாறு வேறிடம் சென்றான்.
 

(32)
 

வீடணன் வருகை
 

உறைவிடம் எய்தினான்- இராமபிரான் தான் தங்கியிருக்கும்
பாசறையை   அடைந்தான்;   ஒருங்கு   கேள்வியின்   துறை
அறிதுணைவனோடு - ஒரு சேர, நல்ல நூல்களை  கேட்டறிந்த
துணைவர்களான  சுக்கிரீவன்    முதலியவர்களோடு;   இருந்த
சூழலில்-  இராமபிரான்   அமர்ந்திருந்த  அந்த  இடத்துக்கு;
அயிர்ப்பு   இல்   சிந்தையான்-  எவ்வித   ஐயமுமில்லாத
மனத்தினனாகிய;  அறை கழல் வீடணன்-  ஒலிக்கின்ற  கழல்
அணிந்த கால்களை உடைய வீடணன்;  முறை  படுதானையின்
மருங்கு முற்றினான்- முறையாக அங்கு  தங்கியிருந்த  வானரப்
பக்கத்திலே சேர்ந்தான்.