கேள்வியின்  துறை  -   நூற்கேள்வியின்   துறை.   அரக்க
இனத்தினனான வீடணன், வானர சேனைக்குப் பக்கம் செல்வதால்
ஏதேனும் தவறுண்டாகுமோ என்ற ஐயம் எதுவுமின்றிச் சென்றான்
என்பதை 'அயிர்ப்பில் சிந்தையான்' என்றது காட்டும்.
 

முற்றிய  குரிசிலை-   அங்கு   வந்தடைந்த  வீடணனை
(பார்த்தவானர  வீரர்கள்) முழங்கு  தானையின்   உற்றனர்
நிருதர் வந்து என்ன - ஆரவாரம்  மிக்க வானரப்  படையில்
அரக்கர்  வந்து  புகுந்தனர்  என்று;   ஒன்றினார்-   வீரர்கள்
எல்லாம்   ஒன்றாகத்   திரண்டனர்;    எற்றுதிர்   பற்றுதிர்,
எறிதிர்  என்று-   அடியுங்கள்   பிடியுங்கள்   ஆயுதங்களால்
எறியுங்கள் என்று கூறி; உரும் எனத் தெழிக்கும் சொல்லினர்
- இடியென  அதட்டும்   சொல்லினராகி;  இடை  சுற்றினர்-
வீடணன் முதலியோரைச் சூழ்ந்து கொண்டனர்.
 

(34)
 

தருமமே கொணர்ந்துதான் தந்தது- இந்த அரக்கர்களைத்
தரும தேவதை தானே நம்மிடம் கொண்டு வந்து தந்தது; இவன்
வெந்தொழில் தீவினை  பயந்த  மேன்மையான் -  இவன்,
கொடுந்தொழில் செய்யவந்த தீயவினை பயந்த  மேன்மையோன்
ஆவான்;  வந்தனன்   இலங்கையர்   மன்னன்   ஆகும்-
வந்தவனாகிய   இவன்  இலங்கை  வேந்தனான  இராவணனே
ஆகும்.  நம்  சிந்தனை  முடிந்தன-  இலங்கை  வேந்தனை
வெல்ல வேண்டும் என்ற நமது  எண்ணம்  நிறைவேறிவிட்டது;
என்னும்  சிந்தையார்-  என்ற  எண்ணம் கொண்டவர்களாக
அந்த வானர வீரர் இருந்தனர்.
 

இவன்  கொடுந்   தொழிலன்    தீவினை   பயனளிக்கப்
பெற்றமையால்  கொடுஞ்  செயல்  புரிவதில்  மிக்கவனாவான்
என்பதை   'வெந்தொழில்    தீவினை   பயந்தமேன்மையான்'
என்றார். வந்த இவன் இலங்கை வேந்தன்