படைஞரை   விலக்கினர்   -   (வந்த   காவலர்களான
மயிந்தனும், துமிந்தனும்)  வானரப்  படைவீரர்களை  விலகும்படி
செய்தார்கள்; வேதம் நீதி நூல்- வேதத்திலும், நீதி நூல்களிலும்
கூறப்பட்ட; இலக்கணம்  நோக்கிய-  மனித  இலக்கணங்களை
நன்கறிந்த; இயல்பர் எய்தினார்- இயல்புடைய  அக்காவலர்கள்
விபீடணன் முதலியோரை நெருங்கினர்; 'சலக்குறி இலர்'  என-
இவர்களிடம் வஞ்சகச் செய்கை எதுவும் இல்லை என்று; அருகு
சார்ந்தனர் - அவர்களுக்குமிக அருகில் சென்றனர்; புலக்குறி
அற நெறி- சிறந்த  ஞானமுள்ளமைக்குரிய  அடையாளத்தையும்,
அறநெறி   நின்றவர்   என்பதையும்; பொருந்த  நோக்கினர்-
பொருந்தியிருப்பதைப் பார்த்தனர்.
 

படைஞர் -  (வானரப்)    படைவீரர்கள்.   காவலர்களான
மயிந்தனும்  துமிந்தனும்  வேதங்களிலும்,   நீதி   நூல்களிலும்
கூறப்பட்ட  மனித   இயல்புகளையும்,   நல்லார்,   பொல்லார்
இலக்கணங்களையும்   நன்றாகக்  கற்றறிந்தவர்கள்   என்பதை
'வேதம் நீதி நூல்  இலக்கணம்  நோக்கிய  இயல்பர்" என்றார்.
சலக்குறி -  வஞ்சகர்  என்பதற்கான  அடையாளம்  புலக்குறி-
ஞானம் உள்ளவர்கள் என்பதற்கான அடையாளம்.
 

(40)
 

மயிந்தன் வினாவும் அனலன் விடையும்
 

யார்? இவண்  எய்திய கருமம்  யாவது?-  (அனுமன்
ஆணைப்படி வந்த காவலரில் மூத்தவனான மயிந்தன் வீடணன்
முதலியோரை நோக்கி)  நீங்கள் யார்?  இங்கு  வந்த  காரியம்
யாது? போரது புரிதிரோ- போர் செய்ய வந்தீர்களா?; புறத்து
ஓர் எண்ணமோ?  -  அல்லது,  அதுவல்லாத  வேறு  ஒரு
எண்ணத்துடன் வந்தீர்களா?; சார்வு உற நின்ற நீர் -  இந்த
வானரப்    படையைச்   சார்ந்து    நின்றிருக்கும்    நீங்கள்;
சமைந்தவாறுஎலாம் - உங்கள் மனத்தில் நினைத்து வந்ததை
எல்லாம்; சோர்விலீர்-