என்றான்.   இந்த   அபயம்   எக்குறையும் இல்லாதது என்பான்,
வழுவல்   இல்     அபயம்   (என்றும்   மாறாதது)   என்றான்.
பெறுதற்கரிய பேற்றினை   விரைந்து பெறுக என்பான் 'விரைவின்
தொழுதி" என்றான். 
 

சிங்க   ஏறு   அனையான்   -    ஆண்   சிங்கத்தைப்
போன்றவனான சுக்கிரீவன்; சொன்ன வாசகம்- கூறிய சொற்கள்;
செவிப்படாமுன் - தனது  காதுகளில்   வீழ்வதற்கு   முன்பே;
கங்குலின் நிறத்தினான் தன்-   இரவு  இருள் போன்ற நிறம்
உடைய வீடணனது; கண் மழைத்தாரை   கான்ற  -  கண்கள்
மழைத்தாரையொத்த     நீரைப்    பொழிந்தன;     அங்கமும்
மனமதென்னக் குளிர்ந்தது -   அவனது   உடல்   முழுதும்
மனம்போலக்   குளிர்ந்தது;  அவ்வகத்தை மிக்குப் பொங்கிய
உவகை என்ன -     அந்த   மனத்தில்   நிறைந்து  பொங்கிய
மகிழ்ச்சியைப் போல;    உரோமப்புள்ளி     பொடித்தன  -
மயிர்க்கூச்செறிந்தன.
 

மகிழ்ச்சியால்   மனம் குளிர்ந்தது போல உடலும் குளிர்ந்தது
என்பதும்   உள்ளத்தே     எழுந்த     உவகையை    உரோம
புளகாங்கிதத்தால் உடல் வெளிப்படுத்தியது என்பதும்   தண்ணீர்
வழிந்தது என்பதும் உவகை மெய்ப்பாடுகளாம். 
 

(122)