கண்ணிலர் -   ஒரு  சிறிதும் கண்ணோட்டம் இல்லாதவர்களாய்;
கரந்து போயினார்-   தமது  வடிவத்தை மறைத்துக் கொண்டு,
வேறு  வடிவத்திலே   உலாவுபவர்கள்;     கரை     இலர் -
அளவற்றவராவர்.
 

நான்கு திசையிலும் வாயில்களைக் காவல் காப்பவர்களைத்தவிர,
விண்ணிலும் நின்று காவல்   புரிந்தனர்.    கண் - கண்ணோட்டம்.
சிறிதும் கண்ணோட்டமில்லாத கொடியவர்கள் என்பதால் 'கண்இலர்'
என்றார்; இரக்கம் சிறிதுமில்லாதவர்கள் என்பது பொருள். தேவர்கள்
வருவார்கள் என்பதால் அவர்களுக்குப் புலனாகாதபடி   வடிவத்தை
மறைத்து, வேறு  வடிவத்திலே   இருந்தனர்   என்பதால்   'கரந்து
போயினார்' என்றார். 
 

பிறங்கிய நெடுமதில்  - விளங்கித் தோன்றும் அந்த நீண்ட
மதிலின்;      பின்னும்     முன்னரும்-     பின்புறத்திலும், 
முன்புறத்திலுமாக;   உறங்கலர்   -   சிறிதும்  உறங்காதவராய்; 
உண்பதம் உலவை ஆதலால்- அவர்கள்  உண்ணும்   உணவு
காற்று ஆதலால்; கறங்கெனத் திரிபவர்- அந்தக் காற்றை நாடிக்
காற்றாடி   போலத்   திரிவார்கள்;    கணக்கு   வேண்டுமேல்
-   அவர்களது   எண்ணிக்கை  வேண்டுமானால்; அறைந்துளது
ஐயிரு கோடி - நூறு கோடி என்று சொல்லப்பட்டுள்ளது.
 

பதம்   -    உணவு.   உலவை - காற்று. கறங்கு - காற்றாடி.
காற்றாடியைப்   போலச்     சுழன்று    திரிந்த   காவலர்களின்
செயலுக்குக் காரணம் கூறுபவரைப் போல    "உண்பதம் உலவை
ஆதலால் கறங்கெனத் திரிபவர்" என்றார். 
 

(25)
 

இப்படி மதில் ஒரு மூன்று - இத்தகைய  கட்டுக்  காவலை
உடைய   மதில்கள்   மூன்றாகும்;   வேறு    இனி   ஒப்பரும்
பெருமையும்- இதை   விட வேறாக   அந்த மதில்களின் ஒப்பற்ற
பெருமையை; உரைக்க   வேண்டுமோ  -   விரிவாகக்  கூறவும்
வேண்டுமோ?; மெய்ப்