உகம்   பல் காலமும் தவம் செய்து - பலயுகங்கள் தவம்
செய்து;   பெருவரம்   உடையான் -    பெரிய  வரங்களைப்
பெற்றிருப்பவனும்; சுகம்   பல்போரலால்   வேறிலன்- பல
போர்களைச்   செய்வதை   விட   வேறு  இன்ப மில்லாதவனும்;
பெரும்படைத் தொகையான்- பெரிய படையை   உடையவனும்;
நகம் பல் என்றிவை இல்லதோர்- நகம், பல் என்பவைகளைப்
பெற்றிருக்காத   ஒரு;   நரசிங்கம் அனையான்- நரசிங்கத்தைப்
போன்றவனும் ஆன; அகம்பன் என்றுளன் - ' அகம்பன்' என்ற
பெயர் கொண்ட ஒரு அரக்கர்தலைவன் உள்ளான்;  அலை கடல்
பருகவும்  அமைவான்   -  அலைகளை   உடைய   கடல்நீர்
முழுவதையும் குடிக்கவும் வல்லவன்.
 

அகம்பன் இராவணனுக்கு மாமன்முறைதான். 
 

பொருப்பை மீதிடும் - மலைகளையும் மீதிட்டுச்  செல்லும்;
புரவியும் பூட்கையும் தேரும் - குதிரைகளும்,    யானைகளும்,
தேர்களும்; உருப்ப விற்படை - சினம் மிக்க  விற்படையினரான
காலாட்படை வீரர்களும்;  ஒன்பது   கோடியும்   உடையான்-
ஒன்பது      கோடியை உடையவனும்; வானிடை  செருப்பெய்
சினக்கடாய்- வானத்திலே  போர்புரிந்த   சினம்மிக்க  ஆட்டுக்
கடாவினை; கடாய் வந்து செறுத்த - வாகனமாகச்   செலுத்தி
வந்து போரிட்ட; நெருப்பை வென்றவன் - அக்கினி  தேவனை
வென்றவனும்; நிகும்பன் என்று உளன் ஒரு   நெடியோன் -
சிறந்த வீரனுமான நிகும்பன் என்பவனும் உள்ளான்.
 

இங்குக்   கூறப்படும்   நிகும்பனும், அடுத்த பாடலில் வரும்
கும்பனும் கும்பகர்ணனுடைய   பிள்ளைகள் என்று    வான்மீகம்
கூறும். மீதிடும் - தாண்டிச் செல்லும். உருப்ப - கோபம் கொண்ட
கடாய் - செலுத்தி அக்கினி தேவனுக்கு    ஆட்டுக்கடாவாகனம்
என்பர். அந்த நெருப்புக் கடவுளையும் வென்றவன் நிகும்பன். 
 

(34)