:: TVU ::

316

யுத்த காண்டம்

கடைந்து கலங்கச் செய்யும் மத்துப் போன்றவர் என்பது கருதத்தக்கது பேரும் நிலை பெயர்ந்து. பெருமை மலை போன்றதாகிய உடற் பெருமை என்பதால் 'பெருமையோர்' என்றான்.
(45)
சேனை காவலன் பிரகத்தன்
6561.	'இன்ன தன்மையர் எத்தனை ஆயிரர் என்கேன் -
	அன்னவன் பெருந் துணைவராய், அமர்த் தொழிற்கு
	அமைந்தார்?
	சொன்ன சொன்னவர் படைத் துணை இரட்டியின்
	தொகையான்.
	பின்னை எண்ணுவான், பிரகத்தன் என்று ஒரு
	பித்தன்;

அன்னவன் பெருந்துணைவராய் - அந்த இராவணனுக்குப் பெரிதும் துணைநிற்பவராய்; அமர்த் தொழிற்கு அமைந்தார் - போர்த் தொழிலுக்கென அமைந்தவர்கள்; இன்ன தன்மையர் - இத்தகைய (முன்னர்க் கூறிய) ஆற்றல் மிக்கவர்; எத்தனை ஆயிரம் என்கேன் - எத்தனையாயிரம் பேருள்ளனர் எனக் கூறுவேன்; சொன்ன சொன்னவர் படை - முன்னே நான் சொன்னவர்களின் விவரித்துக் கூறிய படையினும்; துணை இரட்டியின் தொகையான் - இரண்டு மடங்கு எண்ணிக்கை உடையவனும்; பின்னை எண்ணுவான் - (எண்ணித்துணியாது) துணிந்த பின் எண்ணுபவனும் ஆன; பிரகத்தன் என்று ஒரு பித்தன்- பிரகத்தன் என்ற பெயருடைய ஒருவன் போரிடுவதில் பித்துடையவன் உள்ளான்.
இரட்டி - இரண்டு மடங்கு. எத்தனை ... என்கேன் - எவ்வளவு என்று சொல்வேன்? பெரும்படை உடையவன் என்பதால் தன்னம்பிக்கையால் முன்பு சிந்திக்காது பின்பு நினைப்பவன், துணிந்தபின் எண்ணுபவன் என்றான். பிரகத்தன் என்பவன் இராவணனது படைத்தலைவன்; போர் புரிவதில் பித்துடையவன் என்பதால் 'ஒரு பித்தன்' என்றான்.
(46)
6562.	'சேனை காவலன்; இந்திரன் சிந்துரச் சென்னி
	யானை கால் குலைந்து ஆழி ஓர் ஏழும் விட்டு
	அகல,