என்னும் அனையவன் திறம்-  இராவணன்   என்ற   பெயர்
உடைய  அவனது திறத்தை; யானறி அளவெலாம் அறைவென்
- யான் அறிந்திருக்கும் அளவுக்கு எல்லாம் எடுத்துக் கூறுவேன்;
நான்முகன் தகைமகன்   சிறுவற்குத்   தனையன்-   பிரம
தேவனது   தகுதிமிக்க   மகனான   புலத்தியனுக்கு   மகனான
விச்சிரவசுவின்   மகனாகும்;   தவத்தால் - இராவணன் செய்த
தவத்தினாலே;   முனைவர்  கோன்   வரம்  -    அந்தணர்
தலைவனான பிரமன்   தந்தவரம்;  முக்கணான் வரத் தொடும்
உயர்ந்தான் - மூன்று   கண்களை உடைய சிவபெருமான் தந்த
வரம் இவைகளால் உயர்ந்தவனானான்.
 

பிரமனுக்கு   மகன்   புலத்தியன்; அவன் மகன் விச்சிரவசு;
அவன் மகன் இராவணன்.  முனைவர்   கோன்  -   அந்தணர்
தலைவன்   (நான்முகன்) பிரமன் தந்தவரம் முக்கோடி வாழ்நாள்.
முக்கணான்   தந்த   வரம்   "யாராலும்   வெலப்படாய் எனக்
கொடுத்தவாள்" (சந்திரகாசம்) 
 

எள்இல் ஐம்பெரும் பூதமும் - எவரும் சிறிதென இகழாத
மண்,  நீர், கால், தீ என்ற ஐந்து பெரிய பூதங்களும்; யாவையும்
உடைய    - இவற்றின் வேறுபாட்டால் உண்டான பிற எல்லாப்
பொருள்களையும் உடையவனாகிய; புள்ளிமான் உரி ஆடையன்
- புள்ளிகளை   உடைய   புலியின்    தோலை     ஆடையாக
அணிந்துள்ள   சிவபிரான்;    உமையொடும்   பொருந்தும் -
உமாதேவியுடன்   தங்கியிருக்கும்;   வெள்ளி   அம்  பெருங்
கிரியினை -    வெள்ளியங்கிரியாகிய   பெரிய   மலையினை;
வேரொடும் வாங்கி   அள்ளி - வேரோடு பேர்த்து அள்ளி;
உலகெலாம் அனுங்க-  எல்லா   உலகங்களும் வருந்தும்படி;
விண் தொட எடுத்தனன்- விண்ணைத் தொடும்படி எடுத்தவன்.
 

எள்ளில் - இகழ்தல் இல்லாத (சிறிதென்று எவரும் இகழ்ந்து
கூறமுடியாத என்பது பொருள்). புள்ளி மான் இங்கே வேங்கைப்