குறிக்கப்பட்டது.   மிகப்   பெரிய    பேச்சிலும்   நூல்களிலும்
பதிவாகியுள்ளன  என்பது  அந்தப் பாடலின்  செய்தி;  நேரிலே
கண்டவரில்லை என்பது குறிப்புப் போலும்.
 

நூறும் ஆயிர கோடியும் கடுங்கணை  நுழைய - நூறும்,
ஆயிரமும் கோடியுமாக  விரைந்து  பாயும்  அம்புகள்  கடலில்
நுழைவதால்; நீறு  மீச்செல  நெருப்பெழ-  சாம்பல் மேலே
செல்லும்படி நெருப்பு மேலோங்கி எழுதலால்; பொருப் பெலாம்
எரிய - மலைகளெல்லாம் தீப்பற்றி  எரிந்தன; ஆறு கீழ்ப்பட-
அம்புகள்  கீழேயும் நுழைவதால்  பாதாளத்துக்கு வழி உண்டாக;
அளறுபட்டு   அழுந்திய   அளக்கர் -  கீழே   சேறுபட்டு
அழுந்தியிருந்த   கடல்; சேறு  தீய்ந்து  எழ- சேறும் தீய்ந்து
கருகி மேலே  எழுதலால்; காந்தின  சேடன்தன்  சிரங்கள்-
பூமியைச்  சுமக்கும்   ஆதிசேடனுடைய  ஆயிரம்  தலைகளும்
வெதும்பின.
 

கருங்கணை - விரைந்து   செல்லும்   அம்புகள்  ஆயிரம்
தலைகளும்  வெதும்பின.  மீச்செய - மேலே செல்ல. அளறு -
சேறு. சேடன் - ஆதிசேடன்.
 

(24)
 

பொருகணை  எரிய-  இராமபிரானுடைய போர்த் தொழில்
வல்ல  அம்புகள்  கொழுந்து  விட்டு  எரிவதால்; மொழியின்
பொய்த்த சான்றவன் குலம் என- வழக்கில்  பொய்ச் சாட்சி
கூறியவன் குலத்தோடு அழிந்து படுவது போல; மொய்த்த மீன்
குலம் முதல் அற முருங்கின- நெருங்கிய மீன் கூட்டமெல்லாம்
அடியோடு  அழியலாயின; தாலமீன்  சாலம்-  பனைமீன்களின்
வரிசையானது; தைத்த  அம்பொடு திரிந்தன- உடலில் தைத்த
அம்போடு திரிவன;