:: TVU ::

354

யுத்த காண்டம்

பக்கங்களில் எல்லாம் அணைப்பதற்கரிய நெருப்புப் பற்றி எரிய; கைகலந்து எரி கருங்கடல்- எல்லாப் பக்கங்களிலும் நெருப்பு கலந்து எரியும் கருங்கடல்; கார் அகல் கடுப்ப- கரிய சட்டியான வாணலியை ஒத்திருக்க; வெய்ய நெய்யிடை வேவன ஒப்பன சிலமீன்- சிலமீன்கள் காய்ந்த நெய்யிலே வேகின்றதை ஒத்திருந்தன.
கணை குடித்தது போக மிஞ்சியிருந்த சிறிதளவு நீர் "ஐயநீர்" எனப்பட்டது. மண்டுதல் - எரிதல். கை கலந்து - பக்களில் கலந்து. கார் அகல் - கருப்பு நிறமான வாணலி. கடுப்ப, ஒப்ப - உவமை உருபுகள்.
(27)
6616.	குணிப்ப அருங் கொடும் பகழிகள் குருதி வாய்
	மடுப்ப,
	கணிப்ப அரும் புனல் கடையுறக் குடித்தலின்,
	காந்தும்
	மணிப் பருந் தடங் குப்பைகள் மறி கடல் வெந்து,
	தணிப்ப அருந் தழல் சொரிந்தன போன்றன, தயங்கி.

குணிப்ப அருங் கொடும் பகழிகள்- அளவிட முடியாத கொடிய அம்புகள்; குருதிவாய் மடுப்ப- இரத்தம் தோய்ந்த தமது வாய் வழியே சென்று சேருமாறு; கணிப்பரும் புனல்- அளவிடமுடியாத கடல் நீரை; கடையுறக் குடித்தலில் - கடைபோகக் குடிப்பதாலே; காந்தும் மணிப் பருந்தடங்குப்பைகள்- கடலின் கீழே ஒளிவீசும் பெரிய, விசாலமான மணிகளின் குவியல்கள்; மறிகடல் வெந்து- அலைமறியும் கடல் எல்லாம் வெந்து போக; தணிப்பருந்தழல் சொரிந்தன போன்றன தயங்கி- தணிக்க இயலாத தணல் வெப்பம் சொரியக் கிடப்பது போல விளங்கிக் காணப்பட்டன.
குணிப்ப, கணிப்ப - அளவு என்னும் பொருள் கொண்ட சொற்களாகும் கடையுற - கடைபோக (முழுதும்). குப்பை - குவியல்.
(28)
6617.	எங்கும் வெள்ளிடை மடுத்தலின், இழுதுடை இன
	மீன்
	சங்கமும், கறி கிழங்கு என, இடை இடை தழுவி,
	அங்கம் வெந்து பேர் அளற்றிடை அடுக்கிய கிடந்த;
	பொங்கு நல் நெடும் புனல் அறப் பொரித்தன
	போன்ற.