தெரிகணை  -  தெரிந்தெடுத்து    எய்த  அம்புகள்.  திசை
முகத்தொருவன் -  பிரமன்.  வைவு  -  சாபம். பிரமனின்  சாபம்
தவறாது சென்று சபிக்கப்பட்டவர்களை, அதன் பயனைத் துய்க்கச்
செய்யுமாதலின் -  இலக்கை   நோக்கித் தவறாது சென்று பாயும்
அம்புகளை  'வைவு  இதாம்  என'  என்றார்.  தாமரை  மலர்ந்த
பொய்கை  உவமானம் நெருப்புப் பற்றி எரியும் கடல் உவமேயம்.
கடுக - விரைந்து செல்ல.
 

செப்பின்-  சொல்லுவோமானால்;   மேலவர்   சீறினும்-
மேலோர்கள் வெகுண்டாலும்; அது சிறப்பாதல் தப்புமே- அது
நன்மையாவது  தவறுமோ? (தவறாது); அது கண்டனம்- அதனை
இப்போது  நேரிலே  பார்த்தோம்; உவரியில்  தணியா  உப்பு
வேலை என்று- கடலில்  குறையாத  உப்பு   நிறைந்திருத்தலால்
'உப்புக்கடல்' என்று; உலகு  உறு பெரும்  பழி நீங்கி- உலகம்
இது வரை கூறிய  பெரியபழி  இன்று  நீங்கி; அப்பு வேலையாய்
நிறைந்தது-  அம்புக்   கடலாக   நிறைந்திருந்தது;   அளக்கர்
குறைந்ததோ- கடல் குறைவுற்றதோ; (இல்லை)
 

மேலவர் - கல்வி  அறிவு  நிரம்பிய  மேலோர்.  'உவரியில்
அது கண்டனம் என  இயைத்துப் பொருள்  கூறினும் அமையும்.
அப்பு - நீர் அம்பு என்பது வலிந்து அப்பு  என ஆயிற்று. இரு
பொருள் படக் கூறியதோர் நயம். நல்லோர் சினந்தாலும் நன்மை
உண்டு  என்பதைக்  கடலால்  தெரிந்து  கொண்டோம் என்பது
கருத்து.
 

(33)
 

தாரை  உண்ட  பேரண்டங்கள்  அடங்கலும்- ஒன்றன்
மேல் ஒன்றாக ஒழுங்குபட அமைந்துள்ள பெரிய அண்டங்கள்