மை  உறு  மலைகளோடும்- மேகங்கள்   தங்கியிருக்கும்
மலைகளுடனே; வந்து  வீழ்ந்த  களிநல்யானை- வானரங்கள்
எடுத்து வீசுவதால்  வந்து  கடலில்  வீழ்ந்த   மதம்  கொண்ட
யானைகள்;  வெய்யவாய் மகரம்  பற்ற வெருவின விளிப்ப-
கொடிய வாயை உடைய முதலைகள் பற்றுவதால் அஞ்சிக் கதறிய
செயல்; மேல்   நாள்   பொய்கையின்   இடங்கர் கவ்வ-
முன்னாளிலே   பொய்கையிலிருந்த   முதலை  காலைக்  கவ்வ;
புராதனா போற்றி என்று-  பழமையான தலைவனே காப்பாயாக
என்று;   கை   எடுத்து   அழைத்த   யானை  போன்றன-
தும்பிக்கையை   மேலே   உயர்த்தி    இறைவனை   அழைத்த
யானையான கஜேந்திரனைப் போன்றிருந்தது.
 

மை  -  கருமை; ஈண்டு  மேகங்கள். களி நல்யானை - மதக்
களிப்புடைய  யானை.  மகரம் -  மகரமீன் (முதலை  எனலுமாம்)
இடங்கர் - முதலை.   கடலுக்குப்   பொய்கையும்.   யானைக்குக்
கஜேந்திரனும் மகரமீனுக்கு முதலையும் உவமையாயின.
 

(16)
 

அசும்புபாய் தேனும் பூவும்- கசிந்து  பாய்கின்ற  தேனும்
மணமலர்களும்;  ஆரமும்  அகிலும் மற்றும்- சந்தனம், அகில்
போன்ற  மற்றும்   பலமணப்   பொருள்களும்; விசும் பெலாம்
உலவும் தெய்வ வேரியின்- ஆகாயமெல்லாம் பரவும் தெய்விக
மணம் போல;  மிடைந்து விம்ம-  எங்கும் நெருங்கி அதிகரிக்க;
பசும்   புலால் நாறும் வேலை-  பசும்  புலால்  நாற்றம் வீசும்
அக்கடல்; தசும்பெலாம் வாசம் ஊட்டிச் சார்த்திய  தண்ணீர்
என்ன- மணம்