ஊட்டப் பெற்று, குடத்திலே நிறைத்து வைத்த தண்ணீர்  போல;
பரிமளம் கமழ்ந்தது- நல்ல மணம் கமழ்வதாயிற்று.
 

அசும்பு -  கசிதல்.  ஆரம் -  சந்தனம்.  தசும்பு -  குடம்.
வேரி -  மணம்.  காற்றோடு கலந்து எங்கும்  மணம் வீசுவதால்
"விசும்பு எலாம் உலவும் தெய்வ வேரி' என்றார்; தெய்வங்களும்
விரும்பும் மணம் என்பது கருத்து. விம்மி - மிகுந்து.  சார்த்திய -
நிறைத்து  வைத்த.  "தெருண்ட  மேலவர்  சிறியவர்ச்  சேரினும்
அவர்தம் மருண்ட தன்மையை மாற்றுவர்" என்று முன்னும் (820)
கூறுவது ஒப்பிடத் தக்கது.
 

தேம் முதல்  கனியும்   காயும்-   இனிய   பழங்களும்
தின்பதற்குரிய  காய்களும்;  தேனினோடு  ஊனும்- தேனுடன்
தின்பதற்கான  ஊனும்;  தெய்வப்  பூ   முதலாய எல்லாம்-
தெய்வங்களும்  விரும்பும்  மண  மலர்களும்  மற்றும் பலவும்;
மீன் கொளப் பொலிந்தது- (மலைகளை  வானரங்கள் கடலில்
வீசுதலால்)   மீன்கள்   தின்னும்படி   பொலிந்தது;   மாமுதல்
தருவோடு ஓங்கும்- மாமுதலிய நல்ல பழமரங்கள் நிறைந்துள்ள;
வான் உயர் மானக் குன்றம்- வானமளவும் உயர்ந்துள்ள அந்த
மலைகள்; வண்மை தக்கோர்-வள்ளல் பண்புள்ள மேலோர்கள்;
தாம்   முதலோடும்  கெட்டால்  ஒழிவரோ-  தாம்,  தமது
செல்வத்தை இழந்தாலும் வள்ளல் பண்பு நீங்குவரோ?.
 

தேம் -   இனிமை.   தேம்முதல்   கனி  -   இனிமையைத்
தம்மிடத்தே  கொண்ட   பழம்.  வான்   உயர் மானக்குன்றம் -
கனியும், காயும் பூமுதலாய எல்லாம் மீன்  கொளப்  பொலிந்தது'
என இயையும்.  'வண்மை  தக்கோர் தாம் முதலோடு  கெட்டால்
ஒழிவரோ?' என்ற பொதுப்  பொருளை   விளக்குவதால்   இரு
வேற்றுப் பொருள் வைப்பணியாம்.
 

(18)