வள்ளியோர்  பிறருக்கு  உதவ  வேண்டும்  என்று  நினைத்துத்
தரவில்லை  என்றாலும், அவர்களது நல்ல செல்வம் பயன் மரம்
போல,  ஊருணி   நீர்போல, மருந்தாகித் தப்பா  மரம் போலப்
பிறருக்கு   உதவும்    தன்மையுடையது     என்ற     கருத்து
விளக்கப்பட்டுள்ளது.
 

மூசு எரி  பிறக்க-  செறிந்த   நெருப்புத்   தோன்றுமாறு;
மீக்கொண்டு  இறக்கிய  முடுக்கம் தன்னால்- (வானரங்கள்)
தலையின்மேல்  தாங்கிக்  கொண்டு   வந்து   கடலில்   வீசிய
வேகத்தால்;   கோய்  சொரிநறவம்  என்ன-   கள்முகக்கும்
பாத்திரத்திலிருந்து  சொரியும்  கள்ளைப்  போல்; தண்  புனல்
உகுக்கும்   குன்றின்-   குளிர்ந்த   தண்ணீரைச்   சொரியும்
மலையினது; வேய்  சொரி முத்துக்கு- மூங்கில்கள் சொரிகின்ற
முத்துக்களுக்கு;  ஈண்ட  வாய்   சொரி    இப்பியோடும்-
நெருங்கிய இப்பிமீன்களின் வாயிலிருந்து சொரிந்த முத்துக்களும்;
வலம்புரி  உமிழ்ந்த  முத்தம்- வலம்புரிச் சங்குகள் உமிழ்ந்த
முத்துக்களும்; விருந்து செய்திருந்த- விருந்து வைத்தது போல்
காணப்பட்டன.
 

மூசுஎரி  - செறிந்த  நெருப்பு.  மீக்கொண்டு  -  தலையின்
மேல்தாங்கிக்  கொண்டு   வந்து. முடுக்கம் - வேகம்.  கோய் -
கள்முகக்கும் பாத்திரம். அம்மா- வியப்பிடைச் சொல். குன்றுகள்
அருவி நீரைச் சொரிவதற்கு, கள்  முகக்கும்  பாத்திரத்திலிருந்து
ஒழுகும் கள் உவமையாகும். வானரங்கள் மலைகளைத் தலையில்
தூக்கி வந்து - தீப் பிறக்கும்படி கடலில் போட்ட வேகத்தினால்
மலைகளில் இருந்து அருவி நீர் பெருகியது என்றார்.
 

(25)
 

கலிவிருத்தம்