துயரத்தால் வருந்துவோர் தலைமேல் கை வைத்தல் வழக்கம்.
மலையை  இழந்தோம். நிலையான வாழ்வையும் இழந்தோம் என்று
அவ்வரக்கர்  கூறி  வருந்தினர் என்பதால் 'மலை இலேம் மற்றினி
வாழ்வதோர் நிலை இலேம்" என்றனர்.
 

முழுக்க   நீரில்   புகா  -  முழுவதும் கடல் நீருக்குள்
மூழ்காதவையும்;     முழுகிச்   செலா-   நீரில்   மூழ்கியும்
செல்லாதனவாய்   நின்றவையுமான;  குழுக்களோடு  அணை-
கூட்டம்  கூட்டமாய்  நெருங்கியிருக்கும்; கோளரி   யாளிகள்-
உயிர்களைக் கொல்லவல்ல  சிங்கங்களும் யாளிகளும்; இழுக்கு
இல்  பேரணையின்-  குற்றமற்ற அந்தப் பெரிய அணையின்;
இருபக்கமும்- இரண்டு  பக்கங்களிலும்; ஒழுக்கின்  மாலை
வகுத்தன ஒத்த- ஒழுங்கு பெற வரிசையாக  நிற்க வைத்தவை
போன்றன.
 

அணைதல் - நெருங்குதல். கோள்- கொள்ளவல்ல. ஒழுக்கின்
- ஒழுங்காக. மாலை - வரிசை.
 

(32)
 

பளிக்குமால்  வரை- பெரிய பளிங்கினாலமைந்த மலைகள்;
முந்து படுத்தன- முன்பு வானரங்களால் கடலில் வீசப்பட்டவை;
ஒளிக்கும் ஆழி கிடந்தன ஓர்கிலார்- கடலுக்குள் கிடப்பதை
அறியாதவராய்;  வெளிக்கு  மால்  வரை  வேண்டும்- இந்த
இடைவெளிக்கு ஒரு பெரிய மலை தேவை; எனக் கொணர்ந்து
அளிக்கும்- என்று  கூறிப்பெரிய மலைகளைக்  கொண்டு வந்து
தருகின்ற;  வானர  வீரர் அநேகரால்-  வானரவீரர் அநேகம்
பேராவார்.
 

பளிங்கு மலை நீரைத் தடுத்திருந்ததை அறியாத வானரங்களை
'ஓர் கிலார்' என்றார்.  ஒளிக்கும்  ஆழி - ஒளிக்கப்பட வேண்டிய
கடல் ஓர்தல் - உணர்தல் வெளி - இடைவெளி.
 

(33)