இராமன்   வருணனுக்குத்   தந்தது   போலக்   காணப்பட்டது
அடுக்கிய  மலைகளின்  காட்சி.  செம்மணி  முதலான  பல நிற
கொண்ட மலையடுக்கு இவ்வாறு வருணிக்கப்பட்டது.
 

ஏய்ந்த தம் உடம்பு இட்ட உயிர்க்கு- தமது உயிருக்குப்
பொருந்திய   உடம்பை  விட்டு  விட்ட  அவ்வுயிருக்கு; இடம்
ஆய்ந்து  கொள்ளும்  அறிஞரின்-  பொருந்திய   இடமான
உடலை ஆய்ந்து மறுபடியும் சென்றடையும் யோகிகளைப் போல;
மலைப் பாந்தள்- மலைப் பாம்புகள்; ஆழ்கடல்  பாய்ந்து-
மலைகளை வானரங்கள்  கடலில் வீசியபோது அந்தக் கடலிலே
பாய்ந்து;   பண்டு  உறையும்  மலை  போந்த- முன்பு  தாம்
வாழ்ந்த  மலையை  அடைந்து; மாமலையின்  முழை புக்க-
அந்த மலைக்குகைகளில் நுழைந்தன.
 

கூடுவிட்டுக் கூடுபாயும் சித்து வல்ல யோகிகள் தம் உடலை
விட்டு நீங்கி வேறு  உடலில்  வாழ்ந்து,  பின்  தமது  உடலைத்
தேடியடைந்து சென்றடைவதை ஒத்து மலைப்பாம்புகளின் செயல்
இருந்தது  என்பதால்  இது உவமையணி. அறிஞர்  -  யோகிகள்.
பாந்தள் - பாம்பு.
 

(36)
 

சேதுவின்  பெருமைக்கு  இணை   செப்ப-  சேதுவின்
பெருமைக்கு இணையாகச் சொல்ல; ஓர் ஏது வேண்டும் என்று-
ஒரு காரணம்  வேண்டும் என்று; எண்ணுவர்  என்  கொலோ-
நினைப்பது எதற்காக?; தூதன் இட்ட மலையின் துவலையால்-
இராம  தூதனாகிய  அனுமன்  கடலில் எறிந்த மலையால் எழுந்த
நீர்த்திவலைகளோடு;  மீன்   குலம்-  அக்கடலில்   வாழுகின்ற
மீன் கூட்டங்களும்; மீது  விட்டு  உலகுற்றது-  மேலானதாகிய
வீட்டுலகை அடைந்தது.
 

சேது - அணை. மீதுவிட்டு உலகு - மேலதாகிய  வீட்டுலகம்
மீன்கள் நீர்த்துளிகளோடு  விண்ணுலகடைந்தன  என்பதன் நயம்
கருதத்