தக்கது. 'துவலையசால்' ஆல் என்ற மூன்றாவதனுருபு 'ஓடு' என்ற
பொருளில் வந்தது.
 

நீலன் இட்ட நெடுவரை- அக்கினி தேவனது அம்சமான
நீலன் என்ற வானரத் தலைவன் கடலில்  இட்ட நீண்ட  மலை;
நீள் நிலமூலம் முட்டலின்- நீண்ட இந்தப் பூமியின் அடிவரை
(பாதாளம்)   சென்று   முட்டுவதால்;  மொய்புனல் கைம்மிக-
மிகுந்த தண்ணீர் எல்லைகடந்து  செல்வதால்; கூலம்  இட்டிய
ஆர்கலி- கரை சிறியதாகிய  அக்கடல்; ஓலம் இட்டு எழுந்து
ஓடி- முழக்கமிட்டுக் கொண்டு மேலெழுந்து ஓடி; உலகு எலாம்
கோத்தது- உலகமெல்லாம் சென்று பாய்ந்தது.
 

நீலன் - வானரத்  தலைவன் ஒருவன்;  அணை கட்டியவன்.
நிலமூலம் -  நிலத்தின்  அடிப்பகுதி  (பாதாளம்).   முட்டுதல் -
தாக்குதல்.  கைம்மிக - எல்லைகடந்து  செல்ல  கூலம்  - கரை
இட்டிய - சிறிதான ஆர்கலி  -  கடல்   (ஒலித்துக்  கொண்டே
இருப்பது)
 

(38)
 

ஒருவன் ஆயிரம் யோசனை  ஓங்கிய-  வானர   வீரன்
ஒருவன் ஆயிரம் யோசனை தூரம்  உயர்ந்துள்ளதாகிய; அருவி
மால்வரை விட்டு எறிந்து ஆர்த்தலால்- அருவிகளையுடைய
பெரிய  கரியமலையை கடலில்  எறிந்து விட்டு, ஆரவாரித்ததால்;
மருவுவான்  கொடி   மாட   இலங்கையில்-   வானளாவிய
கொடிகளை உடைய மாடங்களைக் கொண்ட இலங்கை மாநகரின்;
தெருவெலாம்  தெண்ணீர்   புக்கு  உலாய-   தெருக்களில்
எல்லாம் தெளிந்த கடல்நீர் புகுந்து உலாவியது.
 

மால் - கரிய (பெரிய  எனலுமாம்)   இராவணன் ஆணைக்கு
அஞ்சிக்   கரை   கடவாதிருந்த  கடல்    நகருக்குள்   புகுந்து
அச்சமின்றித்  தெருக்களில்  உலாவியது என்பது தோன்ற 'உலாய'
என்றது ஓர் நயம்.
 

(39)