ஆராய்ந்து  பார்த்து;   ஓய்ந்த   கால-   கால்கள்   ஓய்ந்து
போனவையாய்; பசியின் உலர்ந்தன- பசியினால் வாடியனவாய்;
ஏந்து   மால்   வரை வைத்து- கைகளில்   ஏந்திய  பெரிய
மலைகளைக்  கீழே  வைத்து  விட்டு; அவற்று  ஈண்டு தேன்
மாந்திமாந்தி- அம்மலையிலே உள்ளதேனை மிகுதியாக உண்டு;
மறந்து துயின்ற- போக  வேண்டிய காரியத்தை  மறந்து போய்
தூங்கலாயின.
 

உலர்ந்தன -   வாடினவாக.  அவற்று   ஈண்டு   தேன்  -
அவைகளில்  நிறைந்துள்ள  தேனை.  மிளகுக்  கொடி  படர்ந்த
சந்தன   மரத்தில்  ஏறப் புகுந்த  குரங்கு, பக்கத்துப்  பாறையில்
இருந்த தேனைக் குடித்து உறங்கி விடுவதாக  கபிலர்  (அகநா.2)
காட்டிய காட்சியைக் கம்பர் நினைந்தார் போலும்.
 

போதல்  செய்குநரும்- மலைகளை மீண்டும் கொண்டு வரச்
செல்பவர்களும்;   புகுவார்களும்-  அணைகட்ட   மலைகளைக்
கொண்டு வருபவர்களுமாகிய; மாதிரம் தொறும் வானர வீரர்கள்-
எல்லாத் திசைகளிலும்  நிறைந்துள்ள வானர  வீரர்களுக்குள்; சேது
எத்துணை  சென்றது  என்பார் சிலர்- அணை எத்தனை தூரம்
சென்றுள்ளது என்று  வினவுவார்  சிலர்; பாதி  சென்றது  எனப்
பகர்வார்  சிலர்- அவ்வாறு  வினவியர்களுக்கு  விடையாக பாதி
அளவு சென்றுள்ளது என்று கூறுவார் சிலர்.
 

போதல்   செய்குநர் -  செல்லுபவர்.  புகுவார்  -   வருபவர்.
மாதிரம் -  திசை  எத்துணை  -  எந்த  அளவு.  புகுவார் வினவ,
போதச் செய்கின்றார் விடை பகர்ந்தனர் என்க.
 

(52)
 

மலைகளும் மரங்களும் கடலில் மூழ்கும் நிகழ்ச்சிகள்