கிரி  தூக்கின  தோய்தலால் - வானர  வீரர்கள்  தூக்கிக்
கொண்டு  வந்த  மலைகள் கடலில் தோய்வதால்; துறைதொறும்-
அந்தக்   கடலின்   எல்லாப்  பகுதிகளிலும்  (நீளத்துறைகளிலும்);
குறைவில் குங்குமமும்-  தன்மையில் குறைவில்லாத குங்குமமும்;
குகைத் தேன்களும்- மலைக் குகைகளிலிருந்து விழுந்த தேனும்;
நிறை மலர்க் குலமும்  -  நிறைந்த  பலவித   மணமலர்களின்
கூட்டமும்; எங்கணும் நிறைந்து- எங்கும் நிறைந்து  கிடப்பதால்;
நாம  நீர்  -  அச்சத்தைச்   செய்யும்   உவர்க்  கடல்;  நறை
நெடுங்கடல்  ஒத்தது  -   தேன்  நிறைந்த   நெடிய  கடலை
ஒத்திருந்தது.
 

நாமநீர்  -  அச்சத்தைத்  தரும்  உவர்க்கடல்.  கிரிதூக்கின
குங்குமமும்   தேன்களும்   மலர்க்குலமும்   -    தோய்தலால்
நாமநீர்.  நறை  நெடுங்கடல்  ஒத்தது  எனஇயையும். கிரிதூக்கின
என்பதற்கு மலைகள் சுமந்துள்ள குங்குமம்  முதலியவை எனவும்
வானரங்கள் தூக்கிய மலை எனவும் பொருள் கூறலாம்.
 

இடும்பை எத்தனையும்  படுத்து எய்தினும்- துன்பங்கள்
எத்தனையும்  வந்து   தடுத்து   எய்தினாலும்; (அதனால்) மனம்
தளர்ந்து போகாமல்; குடும்பம்  தாங்கும்- தமது  குடும்பத்தை
ஆதரித்துக்   காப்பாற்றும்;  குடிப்   பிறந்தாரின்  -   உயர்
குடியில்  பிறந்தவர்களைப்  போல; நெடும்  பல்மால்  வரை-
நீண்ட பெரிய பல  மலைகள்; தூர்த்து  நெருக்கவும்- தூர்த்து
நெருக்கிய போதும்; துடும்பல்  வேலை- அலைகள் பேரொலி
எழுப்பும்  பெரிய  கடல்; துளங்கியது  இல்லையால்- சிறிதும்
கலங்க வில்லை.
 

இடும்பை -  துன்பம்.    படுத்து  -   தடுத்து.   தாங்கும் -
ஆதரித்துக்   காக்கும்.   இது   உவமையணி.  குடிப்பிறந்தார் -
உவமானம்  துடும்பல்   வேலை  -  உவமேயம்.  இடும்பைக்கே
கொள்கலம்  கொல்லோ  குடும்பத்தைக்   குற்றம்   மறைப்பான்
உடம்பு (குறள் 1029) எவ்வழி உழந்தக் கடைத்தும் குடிப்பிறந்தார்
செய்வர்  செயற்பாலவை  (நாலடி. 147)  என்ற கருத்துகள் இங்கு
இணைத்து உணரத் தக்கன.
 

(54)