தொல் நகர் சுட்டவா கண்டும்- நமது தொன்மை வாய்ந்த
பழம்  பதியான  இலங்கையை  (அனுமன்) எரித்தவாறு கண்ணாற்
கண்டிருந்தும்;  வேலையைத்  தட்டவா  கண்டும்  - கடலை
(அணையிட்டுத்)  தடுத்துள்ளவாறும்  கண்டபிறகும்;  தா  அற்ற
தெவ்வரைக் கட்டவா  கண்டும்- அழிவற்ற (ஆற்றல் பெற்ற)
கரன் முதலிய பகைவர்களை அழித்தவாறு  கண்டபின்னும்; கண்
எதிரே வந்து விட்டவா கண்டும்- (இத்தனையும் செய்தவர்கள்
இப்போது,  நம்)  கண்ணுக்கெதிரேயே   வந்து   விட்டதனையும்
(கண்ணாரக்)  கண்டும்;   மேல்   எண்ண   வேண்டுமோ? -
(இவ்வளவும்)  கண்டு விட்டபின்) மேலே  (இங்குகூடிச்) சிந்தனை
செய்வதும் தேவைதானோ? (தேவை இல்லை என்றபடி)
 

தா  அற்ற தெவ்வர் - அழிவற்ற ஆற்றல் மிக்க பகைவர்கள்.
அவர்  விராதன்,   கவந்தன்,  கரதூடணர்,  மாரீசன்,   திரிசிரன்
முதலானோர்.  தா -  அழிவு.  தெவ்வர்  -  பகைவர். தட்டல் -
தடுத்தல். கட்டல் - களையெடுத்தல். அழித்தல். இனி, தொன்னகர் 
சூழ்ந்த கடலைச்சுட்டவாறு கண்டும், தடுத்தவாறு கண்டும் எனவும்
உரைக்கலாம்.   அப்போது,   "தொல்நகர்    வேலை"  என்பது, 
மத்திமதீபமாக நிற்கும்.
 

என்று   தாயைப்   பயந்தோன்  இயம்பலும் - இவ்வாறு
இராவணனின்  தாயைப்  பெற்ற (மாதாமகனே ஆகிய) மாலியவான்
இராவணனிடம் உரைத்த போது; வாயைத்  தின்று- (இராவணன்)
சினத்தால்  உதட்டைக்  கடித்து; விழிவழித்தீஉக  - கண்களின்
வழியாகத்  தீப்பொறி  சிந்த;  'நன்று,  நன்று - 'நல்லது, நல்லது;
நம்மந்திரம் நன்று- நம் மந்திர ஆலோசனை நன்றாக நடக்கிறது?';
எனா  -  என்று  வெகுண்டு; இளவலோடு என்றும் வாழ்தி - 
'(நீயும்  என்)  தம்பியான    வீடணனோடு   சேர்ந்து    இனிதாக
வாழ்வாயாக இப்போதே செல்' என்றான்.
 

தாயைப்   பயந்தோன்   -   பாட்டன்.   மாலியவான். முன்பு
வெளியேற்றப்  பட்ட   தம்பி    வீடணன்  நினைவுக்கு   வரவே,
"இளவலோடு