மதிகெடுந்தகையோர்   -  புத்தி   கெட்டதன்மையினர்; ஆர்
அமர்மேல் - பெரும் போர் புரிவதன்  பொருட்டு; நாம் உறை
பதி  வந்து  புகுந்தனர்  -  நாம் வாழும்  இலங்கை  மாநகர்
நோக்கி வந்து புகுந்துள்ளனர்; தம்மைக் கெடுப்பது ஓர் விதி
கொடு உந்த - அது, தம்மைக் கெடுப்பதற்குத் தங்கள் ஒப்பற்ற
கெடுவிதி பின் நின்று (பிடர்) பிடித்துத்தள்ள; விளைந்தது தான்
என்றான் - நிகழ்ந்த செயலே யாகும் வேறென்ன?' 
  

முற்றும் மூடிய கஞ்சுகன்- (இப்போது) (உடல்) முழுவதும்
மூடிய   சட்டையையுடையவனாய்;  வெற்று  அனல் மூட்டிய
பொறிக்   கண்ணினன்  -   வெறும்  (சினத்)  தீ  மட்டுமே
மூட்டப்பட்டதினால்      எழும்      பொறி        பறக்கும்
கண்ணினையுடையவனாய்; வேத்திரம் பற்றும் அங்கையினன்
- பிரம்பினைப்  பற்றிய கைகளை யுடையவனாய்; படிகாரன் -
வாயிற்   காவலன்   ஒருவன்   (உட்புகுந்து); 'இன்று  ஒற்றர்
வந்தனர்'- 'இப்பொழுது உளவு அறிபவர் வந்துள்ளனர்';என்று
உணர்த்தினான்- என்று இராவணனுக்கு அறிவித்தான்.
 

கஞ்சுகன்  -  சட்டையணிந்தவன்.  முன்பு  சமுதாயத்தில்
மேன்மக்கள்          சட்டையணியாமலும்,      கீழ்மக்கள்
சட்டையணிந்தும் இருந்தனர் என்பது  இதனாலும் தெளிவாம்.
(3082)  முன்பும்  உணர்த்தினார்.  வேத்திரம்  -  பிரம்பு. படி
-  வாயில்   படி. அரச  மனையின்  வாயிற்  படியில் காவல்
புரிபவன் ஆதலின் "படிகாரன்" என்றார். "படிகாரர்! எம் வரவு
சொல்லுதிர்   மன்னவற்கே!"   (2102) என்று  முன்பும் வந்தது.
இன்று - இப்பொழுது எனும் பொருளில் வந்தது.
 

(53)