பகைவர்களான)   தேவர்கள்   இகழ்ந்து  பேசுவர்;பற்றி- 
அவ்வாறு  விடாமல்; இப்பகையைத்  தீர  - இப்பகைமையைத்
தீர்த்துக்   கொள்ள;   போரின்  -    போரில்;  ஒட்டலாம்-
சமாதானமும்   செய்து   கொள்ளலாம்;  (ஆனால்)   ஒன்னார்
ஒட்டினும்  - அதற்குப்  பகைவர்கள்  உட்பட்டாலும்; உம்பி
ஒட்டான் - உன்  தம்பியாகிய வீடணன் உடன்படான்; கிட்டிய
போது- போர் நெருங்கி வந்துவிட்ட இந்தப் பொழுதில்;செய்வது
என் -  நாம் செய்யத்தக்கது என்ன (என்று); இனிக் கிளத்தல்
வேண்டும் - (வேந்தனாகிய நீயே) எங்கட்கு இனி ஆணையிடல்
வேண்டும். 
 

ஆண்டு சென்று - பகைவர் இருக்கும் இடத்திற்கே சென்று;
அரிகளோடும் மனிதரை -  வானரப்படைகளோடு அம்மானிடர்
இருவரையும்; அமரில்  கொன்று -  போர்  செய்து   கொன்று;
மீண்டு  நம்  இருக்கை  சேர்தும்- மீளவும்  நம் இருப்பிடம்
சேர்வோம்;என்பது மேற்கொண்டேமேல்- என்று முன்பு முடிவு
மேற்கொண்டோமெனின்;  ஈண்டு  வந்து  இறுத்தார் - (இன்று,
அப்பகைவர்களே)  இங்கு  நம்மை   நோக்கி    வந்தடைந்தார்;
என்னும் ஈது அலால் உறுதியுண்டோ?- என்கின்ற இச்செய்தி
யல்லால்  நமக்கு  இப்போது  உறுதி  தரும்  செய்தி உண்டோ?
வேண்டியது எய்தப் பெற்றால்- (நாம் வேண்டியது இதுவேயாம்)
நாம்  விரும்பியதே  கிடைக்கப்  பெற்றோம்.  என்றால்;   (அது)
வெற்றியின் விழுமிது அன்றோ? - நாம் இனிப் பெறவிருக்கும்
வெற்றியிலும் சிறந்தது அன்றோ?
 

பகைவர் இருக்குமிடம் நோக்கிச் சென்று தாக்குதல் நடத்திக்
கொல்வோம்  என்று  முன்பு   இராவணன்  மந்திரப் படலத்தில்
(27, 37, 41)