சினம் கொள் திண்திறல் அரக்கனும்- (சாரன் இவ்வாறு
புகழ்ந்ததைக் கேட்டு) சினம் கொண்ட பேர் ஆற்றல் வாய்ந்த
இராவணனும்; சிறு நகை செய்தான்- புன்முறுவல் பூத்தவனாய்
(அச்சாரனை நோக்கி); புனம் கொள் புன்தலைக்
குரங்கினைப் புகழுதி போலாம்- கொல்லைகளில் அலைந்து
திரிகின்ற சிறிய தலையினைக் கொண்ட குரங்குகளைப்
புகழ்கின்றாய் போலும்! வனங்களும் படர் வரைதொறும்-
வனங்களோடு கூடியுள்ள மலைகள் தோறும்; திரிதரும்-
திரிகின்ற; மானின் பல இனங்களும் - மான்களின் பற்பல
வகைக் கூட்டங்களும் (சேர்ந்து எதிர்த்தால்); அரியினை
என் செயும் - ஒரு சிங்கத்தை என்ன செய்துவிடமுடியும்?
என்றான்...- என்று (ஏளனமாய்க்) கூறினான்.
|