இன்னது   ஓர்   தன்மை   எய்தும்  அளவையின் -
இத்தகையதோர்     ஒப்பற்ற    நிகழ்ச்சி,   (இப்படி)   நடந்து
கொண்டிருக்கையில்;  எழிலிவண்ணன்- முகில் வண்ணனாகிய
இராமபிரான்;மன் உயிர் அனைய காதல் துணைவனை- (தன்)
அழியா உயிர் அனைய அன்புத் துணைவனான சுக்கிரீவனுடைய;
வரவு காணான்- வருகையைக் காணாதவனாய்;உன்னிய கருமம்
எல்லாம்  உன்னொடும்  முடிந்தது  என்னா - 'நான் புரியக்
கருதியிருந்த செயல்கள் யாவும் உன்னோடும்  அழிந்தொழிந்தன'
என்று கூறி; தன் சிந்தை  அலமந்து - தன்  உள்ளம் சுழன்று;
உணர்வு அழிந்து - அறிவு  ஒடுங்கி; தளர்ந்து சாய்ந்தான் -
தளர்ச்சியுற்று வீழ்ந்தான்.
 

உன்னிய   கருமங்கள்: அறந்தலை நிறுத்துதல்; வேத   நெறி
நிறுத்துதல்; உலகோர் பூணச் செந்நெறி  செலுத்துதல்;  தீயோராம்
அரக்கர் குழுவை அழித்தல்; தக்கோரின் இடர் துடைத்தல் (கம்ப.
5885).
 

(26)
 

ஒன்றிய   உணர்வே  ஆய ஓர் உயிர்த் துணைவ- என்
உணர்வும்  உன்  உணர்வும்  ஒன்றே என்னுமாறு என் உயிரோடு
ஒன்றிவிட்ட  என் துணைவனே!  உன்னை இன்றி- நீயில்லாமல்;
யான் உளனாய் நின்று-நான் மட்டும் தனித்து உயிருடன் இருந்து;
ஒன்று இயற்றுவது இயைவது அன்று-ஒரு செயல் புரிவதென்பது
நடைபெறுவது  ஒன்று   அன்று; அன்றியும்- அல்லாமலும், (உன்
செயலால்);  அமரரைத்   துயரத்து   இட்டாய் - தேவர்களைத்
துயரத்தில் நீ   தள்ளி   விட்டாய்;    அரக்கர்க்கு   எல்லாம்
வென்றியும்  கொடுத்தாய் - இராட்சதர்களுக்கெல்லாம் வெற்றிக்
(களிப்பை)