குணங்கள்   தீயோன்  -  தீய  குணங்களைக்  கொண்ட
இராவணன்;  உன்னைக்   கொல்லுமேல்  -  சுக்கிரீவனாகிய
உன்னைக் கொன்று  விட்டானேயானால்; என் கருமம்  - நான்
மேற்கொண்ட  செயல்;    ஒன்றாக   நினைக்க    ஒன்றாய்
விளைந்தது-நான் ஒருவகையாக நினைக்க அது வேறு வகையாக
முடிந்தது ஆகிவிடும்; அந்தோ!  -  ஐயோ! யானோ என்றானும்
வாழேன் - நானோ, (இனி) எந்த வகையிலும் வாழ மாட்டேன்; நீ
இலை    எனவும்  கேளேன்- நீ  இல்லை (மறைந்தாய்) என்ற
சொற்களைக்   கேட்கவும்   என்னால்  இயலாது;  இன்று ஆய
பழியும் நிற்க - இன்று; உன்னைப் பகைவனிடத்திலிருந்து மீட்க
இயலாத  பழியும் எனக்கே  சேர;  நெடுஞ் செருக்களத்தின் -
பெரிய போர்க்களத்தில்;  என்னைக் கொன்றாயும் - என்னைக்
கொன்றவனும்; நீயே - நீயேயாவாய்!
 

பிராட்டியைப்   பெறுவதற்காக  எண்ணித்  துணிந்த கருமம்,
நண்பனையிழப்பதில்  முடிந்ததே  என  ஏங்குகின்றான் ஆதலின்,
"என் கருமம் ஒன்றாக நினைக்க ஒன்றாய் விளைந்தது"  என்றான்.
"ஒன்றை    நினைக்கின்   அது  ஒழிந்திட்டு ஒன்றாகும்" என்பது
மூதுரை.
  

இறந்தனை என்ற போதும் - நீ இறந்து போனாய் என்ற
போதிலும்;    யான்    இருந்து- நான் (உடனே இறவாமல்)
உயிர்தாங்கியிருந்து    அரக்கர்   என்பார்   திறம்தனை-
அரக்கர்   எனப்படுவோரின்  இனங்களையெல்லாம்;  உலகின்
நீக்கி - உலகத்தினின்றும் (அடியோடு) அகற்றி;  பின்  உயிர்
தீர்வென்   என்றால்  - பிறகு  உயிர் விடுவேன் என்றாலும்;
புறந்தரு பண்பின்