- மற்போரில் தொட்ட இழிவெல்லாம் தீருமாறு; தன் பெரும்
நயனம் என்னும் -  தன்னுடைய பெரிய விழிகள் என்கின்ற;
தாமரைத் தடத்து நீரால்- தாமரைத் தடாகத்தின்  நீரினால்;
மஞ்சனம் ஆட்டிவிட்டான்- நீராட்டினான் (இராமபிரான்). 
 

தெண் நீர் அருவி சோர்கின்ற   கண்ணான்- தெளிந்த
நீரினையுடைய    அருவி    போலக்   கண்ணீர்  பொழிகின்ற
கண்ணினையுடையவனான இராமபிரான்; துணைவனை நோக்கி
- தன் துணையாய்  அமைந்த சுக்கிரீவனைப்  பார்த்து; என்றன்
உள்ளத்தை  ஈர்கின்றது-  (நீ  என்னைத் திடீரென்று பிரிந்த
செயல்) என் உள்ளத்தை இரண்டாகப் பிளந்தது; ஆவி இங்கும்
அங்கும்   போகின்றது- என் உயிர் (உடலைவிட்டு) (உள்ளும்
புறமுமாய்)  ஊசலாடத் தொடங்கி அங்கும் இங்குமாக அலைந்து
தவித்தது; யாக்கை   பெயர்கின்றது  இல்லை- என் உடலும்
இயக்கத்தைத் தவிர்த்து விட்டது; பின்னை- மேலும்;தேர்கின்ற
சிந்தையன்றோ திகைத்தனை?- காலமும் இடமும்    தேர்ந்து
செயல் புரியும்  திறமுள்ளவன்   மனத்தையுடையவன்  அல்லவா
திகைப்பூட்டும்   செயல்   செய்ய   வைத்துவிட்டாய்?  என்று
சொல்லும்- என்று (மேலும்) சொல்லலானான்.
  

இராமனைத் தேர்வதற்குக் கூட, ஏழு மராமரங்களை எய்யச்
சொல்லித் தேர்ந்த  சுக்கிரீவன்,  இத்தகைமய செயல்  செய்தது
எவ்வாறு  என   வியந்த  பெருமான் தேர்கின்ற சிந்தையன்றோ
திகைத்தது என்றான். 
 

(35)