என்புழி  -  என்று   (மாலியவான்)  சொன்னபோது; மாலி
தன்னை  எரி எழ நோக்கி- அவனை (விழிகளில்) தீ எழுமாறு
பார்த்து;   பின்பழி   எய்த   நின்றான் - பின்னால் (பெரும்)
பழியடைய உள்ளவனான  இராவணன்;என்பால் வன்பழி தருதி
போலாம்- 'எனக்குக்கொடிய   வசையை    விளைவிப்பது (உன்
கருத்துப்) போலும்; அன்பு அழி சிந்தை தன்னால் - என்பால்
அன்பற்ற   உன் மனத்தினால்; வரன் முறை அறியா அடாதன
வார்த்தை - மரபு முறையறியாது  கூறத்தகாத  வார்த்தைகளைப்;
அறையல்  என்றான் -  பேசாதே! என்று கூறினான்; அவன் -
அது கேட்ட  மாலியவான்; பின்னைப் பேச்சுவிட்டான்- அதன்
பிறகு தன் பேச்சை நிறுத்திக் கொண்டான்.
 

சீதையை விடுத்து, இராமசேனையிடம்  சரணடைவது  கொடிய
பழி  என்பான்  "வன்பழி"  என்றான். "இடிப்பாரையில்லாத  ஏமரா
மன்னன்.   கெடுப்பார்   இலானும்  கெடும்" (திருக்: 448) என்பது
உறுதியாதலின், "பின்பழியடைய நின்றான்"  என்று   இராவணனைக்
குறித்தார்.   "செவி கைப்பச்  சொற்பொறுக்கும் பண்பு" (திருக்:389)
அற்ற இராவணனுக்கு, மாலியவான் உரைத்த ஞானமொழிகள் "வரன்
முறையறியா வார்த்தைகளாகவும் அடாதன  அறைதல்    ஆகவும்"
தோன்றின.
  

(17)
 

இராவணன், சேனையை அணிவகுக்க ஆணையிடல்
 

காட்டிய - (பிறகு இராவணன் படைத்தலைவன் பிரகத்தனை
நோக்கி) (போரில் வீரம்) காட்டிய; கால கேயர் -  காலகேயரின்;