மாமுரசு   அறைந்த- (வானரச்    செயல் இவ்வாறாக)
(இலங்கையில்) பெரிய முரசங்கள் முழக்கப்பெற்றன; ஆனைப்
பதாகையால் -   யானைகளின்  மீது  விளங்கிய    பெரிய
கொடிகளால்;  நெடுவான்   அகம்    மறைந்த -  நீண்ட
விண்ணிடங்கள் மறைந்தன; தூளி குழுமி - தூசுகள்  திரண்டு;
மாதிரம் குறைந்த- திக்குள்   சுருங்கினவாகத்   தோன்றின;
ஆங்கு- அங்கே; அவர் போர்க்குப் எழும் ஓதை- அந்த
அரக்கர்கள் போருக்குப் புறப்படும் ஓசையானது; விண்ணூடு
புக்கு உறைந்தது - ஆகாயத்தில் சென்று நிலைபெற்றது. 
  

கோடு அலம்பின- சங்கங்கள் முழங்கின;  கோதை 
அலம்பின-(அரக்கர்கள் மார்பில் அணிந்திருந்த) ஆரங்கள் 
ஒலித்தன; ஆடல் அம்பரித் தாரும் அலம்பின- (போர் 
முரசு கொம்பு முதலியவற்றின் ஒலிக்கேற்ப) ஆடிச்செல்லும் 
அழகிய குதிரைகளின்   கிண்கிணி மாலைகளும் ஒலித்தன; 
மாமணித் தேர் மணிமாடு அலம்பின- பெரிய  அழகிய 
தேர்களில் கட்டப்பட்டுள்ள மணிகள் பக்கங்களில் ஒலித்தன;
பாய்மத  யானை  பாடு   அலம்பின-   பெருகுகின்ற
மதத்தினையுடைய  யானைகள்  (போர்  கிடைத்தது  என்ற
மகிழ்ச்சியால்) பிளிறின.
 

(17)
 

வானர சேனையும் அரக்கர் சேனையும் பொருதல்
 

அரக்கர்  தொல்குலம்   வேர் அற- அரக்கர்களின் 
தொன்மை வாய்ந்த குலம் வேரொடு அழியுமாறும்; அல்லவர்
- அரக்கர்  அல்லாத  தேவர்,  மானிடர் முதலியோருடைய; 
வருக்கம் யாவையும் வாழ்வுற-  இனம் எல்லாம்  வாழ்வு 
பெறுமாறும்; வந்தது ஓர்  கருக்கொள்  காலம்  கொடு- 
விதி காட்டி வந்ததாகிய ஒரு