எண்ணில் அரக்கரை முடிக்க-எண்ணற்ற அரக்கர்களை
(இவ்வாறாக) அழித்தன.
 

வினைகளை   அடுக்கும்      திறத்தால்,    கம்பர் 
களக்காட்சியைக் கண்முன் நிறுத்துகிறார்.
   

வெம்கண்  நிறைந்த அரக்கர்- கொடுமை நிறைந்த
கண்களையுடைய அரக்கர்கள்;     எறிந்தும்   -   (பல
படைக்கருவிகளை) வீசியும்; எய்தும்- (அம்புகளை) ஏவியும்;
எழு- இரும்புத் தூண்  போன்ற; முளை தண்டு கொண்டு
அறைந்தும்- மூங்கில்  கோல்களைக் கொண்டு அடித்தும்; 
வெம் அயில்  ஆகத்து    அழுத்தியும் - கடுமையான 
வேல்களை     உடலில்    புதையுமாறு      அழுத்தியும்; 
நெருக்கலால்-    நெருக்கியதனால்;     வானர   வீரர்
குழுக்கள் குறைந்த- குரங்கு வீரர்கள் கூட்டம் அளவில்
குறைந்து போயிற்று.
 

எழு-இரும்புத்தூண்:முளை-மூங்கில்."முளைவாய் எயிற்ற
முள்  உகிர்   ஞமலி"     (குறிஞ்சிப் : 131)  எனுமிடத்து,
முளை-மூங்கில்   எனும்  பொருளில் வந்தமை காணலாம். 
"நிறைந்த  வெங்கண்   அரக்கர்,   குறைந்த வானர வீரர்" 
என்பதில் அடிமுரணும் சொல் நயமும் தோன்றுதல் காண்க. 
 

(26)
 

செப்பில் செம்புனல் தோய்ந்த செம்பொன்மதில்-
செம்பை உருக்கிய ஒழுக்கினைப்போல, இரத்தம் தோய்ந்த
செம்பொன்னால் ஆன (இலங்கை) மதிலானது; சூழ் வரை- 
சுற்றி நின்ற  ஒரு மலை;  துப்பில் செய்தது போன்றது-
செம்பவழத்தால் ஆக்கியது  போலத் தோற்றம் அளித்தது;
உதிரத்து ஒழுக்கம்- இரத்தப்  பெருக்கம்;   குப்புற்று
பிணக்குன்று ஈர் - தலைகீழாக வீழ்ந்த