கைகளை   உயர்த்தியவாறு; அங்கும்  இங்கும்  நின்று 
ஆடின- அங்கும் இங்குமாக நின்று ஆடல் நிகழ்த்தின.
 

கொன்நிறக் குருதி- அச்சந் தருகின்ற செந்நிறமுள்ள
இரத்தத்திலே; குடைபுட்களின்- மூழ்குகின்ற  பறவைகளின்;
தொல்  நிறச்  சிறையில்   துளிதூவலால் -    பழைய 
இறகுகளில் படிந்த (குருதித்) துளிகள் சிந்துவதால்;பல்நிறத்த
பதாகைப்   பரப்பு   எலாம் - பல நிறங்களைக் கொண்ட 
பெருங்கொடிகளின் கூட்டம் எல்லாம்;  செந்நிறத்தனவாய் 
நிறம் தீர்ந்த  -  செந்நிறமாக  மாறிப்  பழைய     நிறம்
மாறிவிட்டன.
 

(30)
 

வானரங்கள் மதிலிலிருந்து இரங்குதலும் அரக்கர் நிரம்புதலும்
  

வானரம்- குரங்குகள்; ஒழிந்த- வலிமை குறைந்தனவாய்;
பொழிந்த சோரிப் புதுப்புனல்- சொரிந்த உதிரம் என்னும்
புது வெள்ளம் பொங்கி; மீவழிந்த  மாமதில் கைவிட்டு -
மேலே வழியப் பெற்ற பெரிய மதிலினைக் கைவிட்டு  விட்டு;
மேருவின் உம்பர் விட்டு இம்பரின் இழிந்த-மேருகிரியின்
மேலிடத்தை  விட்டு அகன்று  மற்றொரு பக்கத்தில் இறங்கிய;
மாகடல்  என்ன  இழிந்த-  பெரிய கடலே போன்று கீழே
இறங்கின.
 

(31)