கல்லைக்      கொண்டு     போரிட்ட   வானரங்களும்,
வில்லைக்கொண்டு  போரிட்ட  அரக்கர்களும்  எண்ணற்றோர்
களத்தில் இறந்து பட்டனர் என்பதாம்.
 

நிமிர்ந்து  கடும் செரு- உயர்ந்து கடுமையாக நிகழ்ந்த
யுத்தத்தில்;     மற்கடங்கள்   -  குரங்குகள்;   வலிந்து-
வலிமையோடு; கற்கள் தந்து மலைந்திட- கற்களை  வீசிப்
போரிட;  தற்கு   அடங்கி  -  (தம்)  கர்வம்    அழிந்து;
உலந்தவர்   தம்  உயிர்- இறந்தவர்களான அரக்கர்களின்
உயிர்கள்; தெற்கு அடங்க-தென்திசை முழுவதும்; நிறைந்து
செறிந்த- நிறைந்து நெருங்கின.
 

மர்க்கடம்-குரங்கு.  தற்கு-தருக்கு;  செருக்கு.  எதுகை 
நோக்கி  மற்கடம்  எனவும்,   தற்கு   எனவும்  வந்தன. 
செய்யுளாதலின்,  தெற்கு-இயமனின்  திசை.  ஆகுபெயராய் 
அவன் உலகைக் குறித்தது.
 

(48)
 

பேய்க்கணம்  பாடுகின்றன-  பேயின்  கூட்டங்கள்
(போர்க்களத்தில்) பாடத் தொடங்கின;அறுகுறை- தலைஅற்ற
கவந்தங்கள்;பல்விதத்து ஆடுகின்ற- பலவகையாக ஆடத்
தொடங்கின;உதிரம் - இரத்தமானது;ஆழ்கடற்கு- ஆழமிக்க
கடலைநோக்கி; ஓடுகின்ற-  ஓடத்தொடங்கின;   கற்புடை
நங்கைமார்   - கற்புடைய    மகளிர்;          புகுந்து-
போர்களத்துக்குள்    புகுந்து;     உடல்  நாடுகின்றனர்-
(இறந்துபட்ட) தத்தம் கணவன்மார்களின்  உடலைத்  தேடத்
தொடங்கினர்.
 

(49)