நோக்கி- (அந்நிலை)  கண்டு  (சுக்கிரீவன்); வஞ்சன்
நொறில் வயமாப்பரி- வஞ்சகன்  ஆகிய  வச்சிரமுட்டியின்
விரைந்து செல்லும் வலிய குதிரைகள்; வீக்கு தேரின் மீது-
பூட்டிய  தேரின்  மீது; எழப்  பாய்ந்து- எழுந்து பாய்ந்து;
தோள் தூக்கு தூணியும்  வில்லும் -  தோளில்  தொங்க
விட்டிருந்த  அம்பறாத்  தூணியையும்   வில்லினையும்; 
தொலைத்து - அறுத்து; அவன் யாக்கையும்-  அவனுடைய 
உடலையும்;      சிதைத்திட்டு   எழுந்து   ஏகினான் -
அழித்துவிட்டு, (அங்கிருந்து) கிளம்பிச்சென்றான்.
  

நொறில்-விரைவு.  "நொறில்  பரித்தேர் பட நூறி" (3034)
என்பார்  முன்னும்.  சிதைத்திட்டு-'இட்டு' துணைவினை. தம்
அழிவிற்குக் காரண கருத்தனாகிய வச்சிரமுட்டியை மாய்த்து,
படைத்தலைவன் தான் என நிரூபித்தான் சுக்கிரீவன். "தானை
படைத்தகையால் பாடுபெறும்" (குறள். 768) எனும் வள்ளுவர்
வாய்மொழி உண்மையாதல் காண்க.
  

(54)
 

மலை  குலைந்தென - மலை நிலை குலைந்தாற்போல;
வச்சிரமுட்டி -   வச்சிரமுட்டியானவன்;   தன்    நிலை
குலைந்து விழுதலின்-  தன்  நிலைதடுமாறி விழுந்ததனால்;
நின்றுளார் - (அவனைச் சார்ந்து) நின்றிருந்த அரக்கர்கள்; 
குலை குலைந்து- நடுநடுங்கி; கொடிநகர்  நோக்கினர் - 
கொடிகள் உயர்ந்த இலங்கை மாநகரை நோக்கித் திரும்பினர்; 
அலை கிளர்ந்தென   வானரம்  ஆர்த்த -   அலைகள் 
பொங்கி எழுந்தாற்போல வானரங்கள் பேரொலி செய்தன.
  

இப்பாடலின்  தொடைப்பொலிவும், நடைநயமும் இன்பந்
தருபவை.  "மலை  குலைந்தென"  என   வச்சிரமுட்டியைக்
குறிப்பதனால்,