வென்றி வானர வீரர் -  வெற்றிக்குரிய வானர வீரர்கள்;
விசைத்து எறி- விசையோடு எறிகின்ற; குன்றும் மாமரமும்-
மலைகளும் பெரிய மரங்களும்; கொடும் காலனின் - கொடிய
கூற்றுவனைப் போல;  சென்று   வீழ-   (விரைந்து)  சென்று
வீழ்ந்த  போது;    நிருதர்கள்   சிந்தினார்-  அரக்கர்கள்
சிதறினர்;   புரவியும்  பூட்கையும்   பொன்றி   வீழ்ந்த-
குதிரைகளும் யானைகளும் இறந்து வீழ்ந்தன.
  

புழைக்கை - பூட்கை  என   ஆனையின்  பெயராயிற்றுப் 
போலும்.  துளையுடைய கையுடையது. என்னும் காரணப்பெயர். 
சினை ஆகுபெயர்.
  

(58)
 

நிருதர்-  சினம்  மிக்க   அரக்கர்;  தண்டுவாள் அயில்
சக்கரம்   சாயகம்  கொண்டு -   கதை,   வாள்,   வேல்,
சக்கரப்படை,   அம்பு    முதலியன   கைக்கொண்டு;   சீறிக்
கொதித்து  எழ-  வெகுண்டு  மனம்  வெம்பி எழுந்தபோது; 
வானர  வீரர்கள் - குரங்கு  வீரர்கள்; புண் திறந்து குருதி
பொழிந்து உக-(பகைவர் ஆயுதங்களால் விளைந்த) புண்களின்
வாய்  திறந்து  கொட்டிய  உதிரம்  சிந்த;  மண்டி ஓடினர் -
நெருங்கி ஓடினர்.
 

தண்டு-கதை. சாயகம்-அம்பு.
 

(59)
 

நீலன் நிகழ்த்திய போர்