நிலைதடுமாறின;    குலையா  -   என்றும்   நிலைகுலையாத;
தேவதேவனும்-  சிவபெருமானும்;  விரிஞ்சனும் - பிரமனும்;
சிரதலம் குலைந்தார் - தலை நடுக்கம் உற்றனர். 
 

எய்தான்.

ஊழி வெங்கனல் ஒப்பன - (அப்போது)  ஊழிக்காலத்துத்
தோன்றும் கொடுந்தீயை ஒப்பனவும்; துப்பன உருவ- பவளம்
போன்ற நிறம் உடையனவும்; ஆழி  நீரையும் குடிப்பன- கடல்
நீரையும்  பருக  வல்லனவும்;  திசைகளை அளப்ப - திக்குகள்
யாவையும் அளக்க வல்லனவும்; வீழின்  மண்ணையும்- கீழே
விழுந்தால்  பூமியையும்; மீச்செலின்  விண்ணையும் - மேல்
நோக்கிப் பாய்ந்தால் வானத்தையும்; தொளைப்ப- தொளைக்க
வல்லனவும்  ஆகிய; வெம்சரம்  ஏழும் - கொடிய கணைகள்
ஏழினையும்; உடன் தொடுத்து - சேரத் தொடுத்து; இராவணன்
எய்தான்- இராவணன் (இராமபிரான் மேல்) விடுத்தான். 
 

(226)
 

பெயர்த்தான்.

எய்த   வாளியை  - (இராவணன்)   விடுத்த  அம்புகளை;
ஏழினால்- தன்னுடைய  ஏழு  அம்புகளால்; ஏழினோடு ஏழு
எய்து - (ஒவ்வொன்றும்)  ஏழேழு  நாற்பத்தொன்பது  துண்டுகள்
ஆகுமாறு   துண்டித்து; ஒரு    தொடையினில்  -  ஒருமுறை
தொடுக்கையில்; வெம்சரம் ஐந்து சேர்த்தி - கொடுங்கணைகள்
ஐந்தினையும்    ஒருசேரப்     பொருத்தி;    வெய்து    கால
வெங்கனல்களும்- வெய்யது ஆகிய ஊழிக்கால நெருப்புகளும்;
வெள்குற- நாணுமாறு;