ஓங்கல் -  கரிய   யானைகள்   என்னும்   மலைகள்;  ஒற்றை
வாளியோடு  உருண்டன- ஒரே  அம்புகள்  பட்டு (களத்தில்)
உருண்டு கிடந்தன; சுற்றும் வாசியும் துமிந்தன- சுற்றித்திரியும்
குதிரைகளும் துண்டுபட்டுக் கிடந்தன.
 

"அமர்க்களந்தொடர்ந்த" என்பது கடைநிலைத் தீபகம்."
 

நிருதர் - அரக்கர்கள்; தேர் இழந்து- (தாம் ஏறி வந்த)
தேர்களையும்  இழந்து;   வெம்சிலைகளும்  இழந்து- தாம்
பிடித்திருந்த  விற்களையும்  இழந்து;  செந்தறு கண் - சிவந்த
கொடிய கண்களுடன் கூடிய; கார்  இழந்து - மேகம் போன்ற
யானைகளையும் இழந்து; வெம்கலின மாக்கால்களும் இழந்து
- கொடிய கடிவாளமுடைய குதிரைகளின் கால்களையும் இழந்து;
சூர்  இழந்து - சூரத்தனத்தையும் இழந்து;   வன்  கவசமும்
இழந்து - வலிய   கவசங்களையும்   இழந்து;   துப்பிழந்து -
வலிமையையும் இழந்து;தார் இழந்து- மாலைகளையும் இழந்து;
பின் தம் தலைகள் இழந்தனர்- பிறகு (இறுதியாக) தம்முடைய
தலைகளையும் இழந்தழிந்தனர். 
 

(234)
 

அரவ நுண் இடை அரக்கியர்- பாம்பு போன்று நெளியும்
நுண்ணிய இடைகளையுடைய அரக்கிமார்கள்; அற்ற தம் கணவர்
சிரமும் - உயிரற்று இறந்து போன தம்  கணவர்களின் தலையும்;
அன்னவை ஆதலின்- குதிரை, யானை போன்ற விலங்குகளின்
தலைகளே   ஆதலின்;   வேற்றுமை  தெரியா - தம்  கணவர்
தலைகட்கும்  அவற்றின்  தலைகட்குமிடையே  வேறுபாடு உணர
இயலாமையால்; புரவியின்  தலை பூட்கையின் தலை இவை
பொருத்தி - குதிரையின் தலைகள், யானையின் தலைகள்