எய்தான்.

பொலன் கொள் நாண்- அழகைக் கொண்ட வில்லின் நாண்
ஆனது;   புரண்டு தோள் உற - புரண்டு தோளிலே தோயும்படி;
முரண் தொகும்சிலை - வலிமையெல்லாம்  ஒருங்கு  திண்டுள்ள
வில்லினை; இமைப்பினில்  முறை  உறவாங்கி -  இமைக்கும்
நேரத்திலே  முறைப்படி வளைத்து; திரண்ட வாளிகள் இரண்டு-
திரண்டெடுத்த உருவினையுடைய இரண்டு அம்புகளை; வலம்படப்
போக்கி  -  வலிமை   தோன்ற    விடுத்து;   சேவகன் -
இராமபிரானுடைய; மரகதச்  சிகரத்து  இரண்டு  தோளினும்-
மரகத  மலைச்  சிகரம்  போன்ற  இரண்டு தோள்களிலும்; புக்கு
அழுந்திட எய்தான்- புதையுமாறு எய்தான். 
 

(239)
 

அறுத்தான்.

முறுவல் எய்திய முகத்தினன் - புன்முறுவல் பூத்த முக
மலரினையுடையவனாய்;முளரி அம் கண்ணன்- செந்தாமரை
மலரையொத்த  அழகிய  கண்களையுடைய  இராமபிரான்; மறு
இலாதது ஓர் வடிக்கணை தொடுத்து- குற்றமற்றதோர் கூரிய
அம்பினைப் பூட்டி; உறவாங்கி - (வில்லினை) நன்கு வளைத்து;
இறுதிநாள் கால்பொர-  உகாந்தகாலக்  காற்று வீசும்போது;
மந்தரம்- மந்தரமலை;இடையிட்டு  அறுவது  ஆம் என -
இடையிலே இற்று  ஒடிவது போல;இராவணன் சிலையினை
அறுத்தான் -    இராவணனுடைய    வில்லினை   அறுத்து
வீழ்த்தினான்.
 

முறுவல் எய்திய முகத்தினனாய் இராமன் நிகழ்த்தியபோர்
"அலகிலா   விளையாட்டு   உடையான்   (கம்ப.1) என்பதன்
அரும்பொருளை உணர்த்தியது. பிராட்டியின் கூற்றிலும், (5188)
இராவணன் மாலியவானிடம் கூறிய கூற்றிலும் (7258) இந்நிலை
அறிக. 

(240)