| 7268. | 'உடைப் பெருங் குலத்தினரொடும், உறவொடும், | | உதவும் | | படைக்கலங்களும், மற்றும் நீ தேடிய பலவும், | | அடைத்து வைத்தன திறந்துகொண்டு | | ஆற்றுதிஆயின், | | கிடைத்தி; அல்லையேல், ஒளித்தியால்; சிறு தொழில் | கீழோய்! | | | சிறுதொழில் கீழோய் - இழிசெயல்கள் புரியும் கீழ்மகனே!;
உடைப் பெருங் குலத்தினரொடும் - உன்னுடைய பேரினத்தவ
ரோடும்; உறவொடும் - சுற்றத்தாரோடும்; உதவும்
படைக்கலங்களும் - (உனக்கு இனி) உதவவல்ல
படைக்கருவிகளையும்; மற்றும் நீ தேடிய பலவும் - மற்றும் நீ
தேடிப் பல இடங்களில் வைத்துள்ள சேனைகளையும்; அடைத்து
வைத்தன திறந்து கொண்டு - நகரின் உள்ளே அடக்கி
வைத்துள்ள உன் பலப்பொருள்கள் யாவற்றையும் திறந்து
கூட்டிக்கொண்டு; ஆற்றுதியாயின் - போர் புரியும் ஆற்றல்
உடையவன் நீயானால்; கிடைத்தி - (போர்க்கு வந்து)
கிட்டுவாயாக; அல்லையேல் ஒளித்தி - உனக்கு அந்த ஆற்றல்
இல்லையாயின் கோட்டைக்குள் ஒளிந்து கொள்; (என்றான்
இராமபிரான்).
| பிறர் மனை நயத்தல் முதலிய புன் செயல் புரிந்தமையால்
இராவணனை, சிறு தொழிற் கீழோய்! என்றார். "ஒழுக்கத்தின்
எய்துவர் மேன்மை; இழுக்கத்தின் எய்துவர் எய்தாப் பழி"
(குறள். 137) என்பர் வள்ளுவப் பெருந்தகை. "அறவையாயின்
நினது எனத்திறத்தல்; மறவையாயின் போரொடு திறத்தல்"
(புறம். 44) என்னும் புறப்பாடல் அடிகள் கவிஞர்க்கு இங்கு
நினைவு வந்திருத்தல் வேண்டும் குலத்தினர்-அரக்க இனத்தினர்.
உறவு-தம்பி, மக்கள் முதலியோர்; படைக்கலங்கள் - வில், வேல்,
ஈட்டி, தோமரம் முதலியவை. மற்றும் நீ தேடிய பலவும் என்றது
- தேர் முதலிய நால்வகைப் படைகளையும் மூலபலப் படை
முதலியவற்றையும், "ஆற்றுதியாயின் கிடைத்தி; அல்லையேல்
ஒளித்தி" - சந்த நயம் சுவைத்து மகிழ்க. தறுகண்மை, இசைமை
அடியாகப் பிறந்த பெருமிதத்தைச் சார்ந்தன இராமனது உரைகள்.
| (252)
| | 7269. | 'சிறையில் வைத்தவள்தன்னை விட்டு, உலகினில் | | தேவர் | | முறையில் வைத்து, நின் தம்பியை இராக்கதர் முதல் | | பேர் |
|
|
|