எறித்த   போர்  அரக்கர் ஆவி  - தன் மேல் படைக்
கலங்களை எறிந்த  போரில் வல்ல அரக்கரது  உயிரினை; எண்
இலா வெள்ளம்  எஞ்சப் பறித்த போது - எண்ணிக்கையில்
அடங்காத வெள்ளத்தவரில் ஒருவரும் எஞ்சி நிற்காமல் கவர்ந்த
போதும்;   என்னை   அந்தப்  பரிபவம்  முதுகில் பற்றப்
பொறித்த போது- எனக்கு இப்படிப்பட்ட அவமானம் முதுகில்
தங்கும்படி  அம்புகளைப்  பதித்த போது; அன்னான் - அந்த
இராமனிடம்; அந்தக் கூனி  கூன் போக உண்டை தெறித்த
போது-  சிறு வயதில் கூனியின் கூன் போக வேண்டும் என்ற
நல்லெண்ணத்தோடு    மண்ணுருண்டைகளை   அடித்தபோது;
ஒத்ததன்றி  -   இருந்த   விளையாட்டு  மனநிலையை ஒத்த
மனநிலை   அன்றி;  சினம் உண்மை தெரிந்தது இல்லை -
சினம் இருத்த நிலை தெரியவில்லை.
 

இத்தோல்வித் துன்பத்தை என் முதுகில் தங்கும்படி இராமன்
செய்தான் என்பது பொருள்.
 

(17)
 

மலை உறப் பெரியர் ஆய - மலையை மாறுபட்டுப் பெரிய
உடலினை  உடைய; வாள்  எயிற்று  அரக்கர்  தானை -
கூர்மையான  பற்களை  உடைய அரக்கரது சேனை; நிலை உறச்
செறிந்த  வெள்ளம்  நூற்று  இரண்டு எனினும்- இராமனை
நிலையாக நெருங்கி நின்றவை நூற்று இரண்டு வெள்ளம் எனினும்;
நேரே குலை  உறக்குளித்த வாளி - அவனால் நேராகக் குறி
தவறாமல்  செலுத்தப்பட்ட  அம்புகளின் தொகுதி; குதிரையைக்
களிற்றை       ஆளை   -   குதிரைப்      படையினையும்,
யானைப்படையினையும்,